«دەپۋتاتتارعا تۇتىنۋشىلاردىڭ قۇقىقتارىن قورعاۋ ماسەلەلەرىنە قاتىستى زاڭ جوباسى I وقىلىمدا قاراۋ ۇسىنىلدى. ءماجىلىس توراعاسى نۇرلان نىعماتۋليننىڭ پىكىرىنشە جاڭا زاڭنامالىق تۇزەتۋلەر تۇتىنۋشىلاردىڭ قۇقىعىن قورعاۋدى كۇشەيتەدى.
بۇل زاڭ جوباسى تۇتىنۋشىلاردىڭ قۇقىعىن قورعاۋدىڭ تۇتاس جانە تۇسىنىكتى جۇيەسىن قالىپتاستىرۋعا, تۇتىنۋشىلىق داۋلاردى سوتقا دەيىن قاراۋ ماسەلەلەرىندە ۇەۇ-دى ينستيتۋتسيونالدىق نىعايتۋعا جانە بەلسەندى پايدالانۋعا, سونداي-اق بۇزىلعان قۇقىقتاردى قالپىنا كەلتىرۋ جانە ماتەريالدىق زالالدىڭ ورنىن تولتىرۋ ءۇشىن تۇتىنۋشىلاردىڭ قۇقىقتارىن قورعاۋ تەتىكتەرىن قايتا باعدارلاۋعا باعىتتالعان تۇزتۋلەلەر ەنگىزىلۋ كوزدەلگەن.
سونىمەن قاتار ءماجىلىس دەپۋتاتتارى تسيفرلىق تەحنولوگيالاردى رەتتەۋ ماسەلەلەرى تۋرالى زاڭنامالىق تۇزەتۋلەردى I وقىلىمدا قاراماق. زاڭ جوباسىنىڭ نەگىزگى ماقساتى – تسيفرلىق تەحنولوگيالادى دامىتۋ جانە ەنگىزۋ ءۇشىن قۇقىقتىق نەگىز قۇرۋ, تسيفرلىق تەحنولوگيالاردى ەنگىزۋ جانە قولدانۋ ارقىلى قوعامدىق قاتىناستاردى رەتتەۋ, اقپاراتتىق-كوممۋنيكاتسيالىق تەحنولوگيالار سالاسىنداعى جوبالاردى ىسكە اسىرۋ كەزىندە جاعدايلار جاساۋ بولىپ تابىلادى.
سونداي-اق جۇمىلدىرۋ دايىندىعى مەن جۇمىلدىرۋ ماسەلەلەرىنە قاتىستى زاڭ جوباسىن ەكىنشى وقىلىمدا قاراۋ ۇسىنىلادى. بيۋرو وتىرىسىندا دەپۋتاتتار نازارىنا ارىپتەستىك تۋرالى نەگىزدەمەلىك كەلىسىمدى راتيفيكاتسيالاۋ تۋرالى زاڭ جوباسى ۇسىنىلدى», دەلىنگەن حابارلامادا.
