كوكتەمگى كەزەڭدە حالىقارالىق كەلىسىمدەرگە سايكەس جۇكتەردىڭ جانە جولاۋشىلاردىڭ حالىقارالىق تاسىمالدارىن, توتەنشە جاعدايلاردى جويۋ جانە الدىن الۋ جونىندەگى ءىس-شارالاردى جۇزەگە اسىراتىن, زارداپ شەككەن ادامدارعا گۋمانيتارلىق كومەك كورسەتۋدى, ازىق-ت ۇلىك تاسىمالداۋدى, جولاۋشىلار مەن باگاج تاسىمالىن, ءدارى-دارمەكتەردى تاسىمالداۋدى جۇزەگە اسىراتىن, سونىمەن قاتار, مەردىگەر ۇيىمدارعا رەكونسترۋكتسيالاۋ جۇمىستارىن جۇرگىزۋ ءۇشىن بەرىلگەن ۋچاسكەلەردەگى جول-قۇرىلىس جۇمىستارىن جۇزەگە اسىراتىن جىل سايىنعى قولدانىلۋ مەرزىمدەرىنە سايكەس جەكە بىلىككە تۇسەتىن جۇكتەمەسى 8 توننادان ارتىق اۆتوكولىك قۇرالدارىنىڭ قوزعالىسىنا كوكتەمگى كەزەڭدە شەكتەۋ ەنگىزىلدى.
سونداي-اق قارۋلى كۇشتەرى, باسقا اسكەري كۇشتەر جانە اسكەري قالىپتاستىرۋ جانە اسكەري تاسىمالداۋلاردى جۇزەگە اسىراتىن اۆتوكولىك قۇرالدارىنا شەكتەۋلەر تاراتىلمايدى. قوزعالىسقا ۋاقىتشا شەكتەۋ ەنگىزۋ كەزەڭىندە قازاقستان جالپى پايدالانىمداعى رەسپۋبليكالىق ماڭىزى بار اۆتوموبيل جولدارى بويىنشا ءجۇرىپ ءوتۋ كەزىندە رۇقسات ەتىلەتىن اۆتوكولىك قۇرالدارىنىڭ وستىك ماسساسىنىڭ ەڭ كوپ سوماسى قوزعالىستى ۇيىمداستىرۋ كورسەتىلگەن مانىنەن اسپاۋى ءتيىس.
«قازىرگى تاڭدا 2020 جىلدىڭ قاڭتار ايىنان بۇگىنگى كۇنگە دەيىن ياعني, ناۋرىز ايىنا 47 اكىمشىلىك قۇقىق بۇزۋشىلىق حاتتاماسى تولتىرىلىپ, 8 ملن 420 مىڭ 100 تەڭگەگە ايىپپۇل سالىندى. الىم سومماسى 345 مىڭ 249 تەڭگەنى قۇرادى» دەدى الماتى قالاسى بويىنشا كولىكتىك باقىلاۋ ينسپەكتسياسىنىڭ باسشىسى حاميتبەك پەتراليەۆ.
كوكتەمگى كەزەڭدە قوزعالىستى شەكتەۋدىڭ جىل سايىنعى قولدانىلۋ مەرزىمدەرى تومەندەگىدەي. ماماندار مالىمدەگەندەي, اعىمداعى جىلدىڭ 23 ناۋرىزىنان 1 مامىرىنا دەيىن اقمولا, اقتوبە, شىعىس قازاقستان, باتىس قازاقستان, قاراعاندى, قوستاناي, پاۆلودار, سولتۇستىك قازاقستان وبلىستارىنا شەكتەۋ ەنگىزىلەدى.
ءتيىستى جىلدىڭ 1 ناۋرىزىنان 1 ساۋىرىنە دەيىن, الماتى, اتىراۋ, جامبىل, قاراعاندى (جەزقازعان ايماعى), قىزىلوردا, ماڭعىستاۋ, تۇركىستان وبلىستارىندا دا شەكتەۋ ەنگىزىلەدى.
ال اعىمداعى جىلدىڭ 1 ماۋسىمىنان 15 تامىزىنا دەيىن, اۋانىڭ تەمپەراتۋراسى 250س جوعارى بولعان كەزدە ساعات 11-00-دەن 21-00-گە دەيىن بىرقاتار وبلىستا اۋىر جۇك كولىكتەرىنە شەكتەۋ قويىلماق. ولار - اقمولا, اقتوبە, شىعىس قازاقستان, باتىس قازاقستان, قاراعاندى (قاراعاندى ايماعى), قوستاناي, پاۆلودار, سولتۇستىك قازاقستان وبلىستارى.
تيىسىنشە بيىلعى 1 ماۋسىمنان 31 تامىزعا دەيىن, اۋانىڭ تەمپەراتۋراسى 250س جوعارى بولعان كەزدە ساعات 10.00-دەن 22.00-گە دەيىن الماتى, اتىراۋ, جامبىل, قاراعاندى (جەزقازعان ايماعى), قىزىلوردا, ماڭعىستاۋ, تۇركىستان وبلىستارىندا شەكتەۋ ەنگىزىلمەك.
