ونەر • 12 ناۋرىز، 2020

«استانا بالەتتىڭ» اتىراۋعا تارتۋى

14 رەتكورسەتىلدى

قار كوبەسى سوگىلگەن كوكتەمنىڭ شۋاقتى كۇندەرى اتىراۋدا «استانا بالەتتىڭ» گاسترولدىك ساپارى باستالماق. بۇل ۇجىم تۇڭعىش رەت ماحامبەت وتەمىس ۇلى اتىنداعى وبلىستىق دراما تەاترىنىڭ ساحناسىندا ونەر كورسەتەدى.

ۇلى ابايدىڭ 175 جىل­دىعىنا ورايلاستىرىلعان گاسترولدىك ساپار اياسىندا، ياعني، ناۋرىزدىڭ 12-13-ءى كۇن­­دەرى اتىراۋلىق تۇر­عىن­دار مەن قوناقتار تانى­مال ۇجىمنىڭ ونەرىن تاما­شا­لاۋعا مۇمكىندىك الادى.

تەاتر ۇجىمى دجوردج ءبا­لان­چيننىڭ ءبىر اكتىلى «سە­رەنادا» بالەتى مەن « ۇلى دالا مۇراسى» ديۆەرتيس­مەنتى ەنگەن تاڭداۋلى باع­دار­­لاماسىن تارتۋ ەتپەكشى.

حح عاسىر بالەتىنىڭ ال­تىن قورىنا ەنگەن «سەرەنادا» – امەريكالىق حورەوگراف دجوردج ءبالان­چين­نىڭ ايتۋلى تۋىندىسى. 2017 جىلى «استانا بالەت» تەاترىنىڭ ساح­ناسىندا پرەمەراسى وتكەن بۇل تۋ­ىن­دىنى كورەرمەن زور ىقى­­­لاسپەن قابىلداپ ءارى ما­دەني ساراپشىلار تارا­پى­نان قۇبىلىس رەتىندە با­عالانعان ەدى. سەبەبى كۇللى ورتالىق ازيا اۋماعىندا دجوردج بالانچين قورىمەن ىن­تىماقتا، حورەوگرافتىڭ ءستيلى مەن تەحنيكاسىنىڭ ستان­دارت­تارىن تولىق ساق­تاي وتىرىپ قويىلعان ال­عاشقى بالەت بولاتىن. «سە­رەنادانى» قازاق ساحناسىندا قويعان ۆيكتوريا ساي­مون – امەريكالىق حو­رەو­گرافتىڭ ءتول شاكىرتى. بۇعان دەيىن سايمون الەم­نىڭ ءتۇرلى ەلىندە ءبالان­چين­نىڭ وتىز شاقتى سپەك­تاكلىن ساحنالاعان.

كونتسەرتتىڭ ەكىنشى بولى­مىندە قازاق مادەنيەتىنىڭ قىر-سىرىن ايگىلەيتىن « ۇلى دالا مۇراسى» باعدار­لا­ماسى كور­سەتىلمەك. قازاق­ستاننىڭ ەڭبەك سىڭىرگەن قاي­راتكەرلەرى ايگۇل ءتاتي مەن مۋكارام ءاۆاحريدىڭ حورەوگرافيالىق مينياتيۋراسى كوشپەلى حالىقتىڭ تانىم كوكجيەگىن ايعاقتايدى. وسى باعدارلاماعا ەنگەن بارلىق مي­نياتيۋرالار قا­زىرگى قازاق حورەوگرافيا­سىن تانۋعا مۇم­كىندىك بەرەدى. مۇندا ەتنوگرافيا ەلە­مەنتتەرى، بي ءداستۇرى مەن زا­ماناۋي حورەوگرافيالىق شە­شىمدەر ۇيلەسىم تاپقان.

ايتا كەتەيىك، ناۋرىز­دىڭ 25-26-سى كۇندەرى «اس­تانا با­لەت» ۇجىمى وسى باعدار­لامامەن سەمەيدەگى اباي اتىن­داعى تەاتردا ونەر كورسەت­پەك.

2

 

 

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ەل ءۇشىن ماڭىزدى باستاما

پىكىر • بۇگىن، 08:25

ۇقساس جاڭالىقتار