مەملەكەت باسشىسىنىڭ جولداۋىنداعى: «بۇقارالىق دەنە شىنىقتىرۋدى وركەندەتۋ ءىسى جاڭا چەمپيوندار شىڭىنا شىعاتىن پيراميداعا اينالۋى ءتيىس. بۇل سالاۋاتتى ءارى بەلسەندى جاستاردىڭ, تۇپتەپ كەلگەندە, قۋاتتى ۇلتتىڭ نەگىزىن قالىپتاستىرادى» دەلىنگەن تاپسىرماسىن ورىنداۋ ايعاعىندا ۋنيۆەرسيادا وزەكتى شارا بولادى.
20 اقپان – 15 ناۋرىزدا ءابۋ ناسىر ءال-ءفارابيدىڭ 1150 جىلدىق مەرەيتويىنا ارنالعان ءVIIى قىسقى قازاقستان ۋنيۆەرسياداسى وتەدى, 26 جوو-دان 500-گە جۋىق ستۋدەنت قاتىسۋدا.
قازاقستان ۋنيۆەرسياداسى 5 سپورت تۇرىنەن (قىسقى پرەزيدەنتتىك كوپسايىس 20-24 اقپان وسكەمەن, كەرلينگ 26 اقپان -7 ناۋرىز الماتى, قىسقى سپورتتىق باعدارلاۋ 4-9 ناۋرىز ريددەر, بياتلون جانە شاڭعى جارىسى 9-15 ناۋرىز ريددەر) وتۋدە.
قر بعم «ۇعپدتو» ءبىلىم الۋشىلاردىڭ گيمنازيادا مەن ۋنيۆەرسياداعا قاتىسۋىنا قىزىعۋشىلىعىن ارتتىرۋ ءۇشىن قر مادەنيەت جانە سپورت مينيسترلىگىمەن بىرلەسىپ, ءبىلىم باسقارمالارىنىڭ باعدارلاماسىنداعى ءىس-شارالاردا جەڭىمپاز بولعان وقۋشىلار مەن ستۋدەنتتەرگە حالىقارالىق دارەجەدەگى سپورت شەبەرى, سپورت شەبەرى جانە سپورت شەبەرىنە ۇمىتكەر اتاعىن بەرۋ ءۇشىن قر ادىلەت مينيسترلىگىنە تىركەۋگە «سپورتتىق اتاقتار, رازريادتار جانە بىلىكتىلىك ساناتتارىن بەرۋ قاعيدالارىنا» وزگەرىستەر مەن تولىقتىرۋلار ەنگىزۋ تۋرالى جۇمىستار جۇرگىزۋدە.
ۋنيۆەرسيادا ناتيجەسىمەن 2021 جىلى 21-31 قاڭتاردا ليۋتسەرندە (شۆەيتساريا) وتەتىن XXX قىسقى ۋنيۆەرسيادا ويىندارىنا قازاقستاننان قاتىساتىن سپورتشىلار بەلگىلى بولادى.
ەستەرىڭىزدە بولسا, 2017 جىلى قازاقستان تمد ەلدەرى اراسىندا العاش رەت ۋنيۆەرسيادانى وتكىزگەن بولاتىن. قازاقستان ۋنيۆەرسياداعا 1993 جىلدان بەرى قاتىسىپ كەلە جاتىر. وسى جىلدارى 186 مەدال يەلەنگەن (106-قىسقى, 80-جازعى سپورت بويىنشا).
