«سىرتقى نارىقتا قالىپتاسقان, قازاقستاننىڭ ەكونوميكاسىنا ىقپالىن تيگىزىپ وتىرعان جاعدايعا قاراماستان, مەملەكەت ەل حالقىنىڭ الدىنداعى بارلىق الەۋمەتتىك مىندەتتەمەلەرىن تولىق كولەمدە ورىندايتىن بولادى. قازاقستاندا 4 ملن-نان استام ادام زەينەتاقى مەن ءتۇرلى جاردەماقىلار الادى. بۇل ماقساتقا 3,4 ترلن تەڭگە قاراستىرىلعان», — دەدى مينيستر.
سونىمەن قوسا, ول الداعى جىلدارى الەۋمەتتىك تولەمدەردىڭ قىسقارمايتىنىن ايتتى.
«الەۋمەتتىك تولەمدەر ەش ۋاقىتتا قىسقارمايدى. بۇل پرەمەر-ءمينيستردىڭ بۇگىنگى تاپسىرماسىنا وراي عانا ەمەس. بۇل – ءبىزدىڭ مەملەكەتىمىزدىڭ 10 جىلدان استام ۋاقىتتان بەرگى الەۋمەتتىك ساياساتتاعى نەگىزگى ۇستانىمى. سوندىقتان الەۋمەتتىك تولەمدەردىڭ كولەمى ەشقاشان ازايمايدى. كەرىسىنشە, ءبىز الداعى كەزەڭدە ەگەر ينفلياتسيا وسەتىن بولسا, تولەمدەردى ارتتىرۋدى جوسپارلاپ وتىرمىز. ەگەر الداعى ۋاقىتتا ينفلياتسيا دەڭگەيى جوسپارلانعان دالىزدەن اساتىن بولسا, زەينەتاقى مەن جاردەماقى يندەكساتسيالاناتىن بولادى», — دەدى ب. نۇرىمبەتوۆ.
ءمينيستردىڭ ايتۋىنشا, قازاقستاندىقتاردىڭ جالاقى كولەمى دە ازايمايتىن بولادى. جالاقى ۋاقىتىلى تولەنەدى. بيۋدجەتتىك ۇيىمداردىڭ جۇمىسكەرلەرىنىڭ جالاقىسىن كوتەرۋگە قاتىستى, بيىل ول بيۋدجەتتىڭ مۇمكىندىكتەرىنە بايلانىستى بولادى.
«وتكەن جىلى 1 ماۋسىمنان باستاپ بيۋدجەت سالاسىندا جالاقى 30%-عا كوتەرىلدى. 2020 جىلدىڭ 1 قاڭتارىنان باستاپ سونىمەن قاتار بيۋدجەتتىك ۇيىمداردىڭ جۇمىسكەرلەرىنىڭ جالاقىسى ورتا ەسەپپەن 30%-عا كوتەرىلدى», — دەدى مينيستر.
جەكەمەنشىك ۇيىمدار تۋرالى ايتا وتىرىپ, ءبىرجان نۇرىمبەتوۆ ولاردى يندەكساتسيا مەن جالاقىنىڭ وسىرىلۋىنە تاۋەلدى ەتۋ قيىن بولاتىنىن ايتتى. بۇل رەتتە, ۇكىمەتتىڭ نەگىزگى مىندەتى جۇمىس ورىندارىن ساقتاۋ جانە اعىمداعى ەڭبەكاقىنى ۋاقىتىلى تولەۋ بولىپ قالا بەرەدى.
«الدىڭعى جىلدارى جۇمىس بەرۋشىلەر بيزنەستىڭ جوعارى الەۋمەتتىك جاۋاپكەرشىلىگىن كورسەتتى. ءبىز تاعى دا وسىدان ۇمىتتەنەتىن بولامىز», — دەدى ب. نۇرىمبەتوۆ.
