شىعىس قازاقستان وبلىسى قاتونقاراعاي اۋدانى شۇباراعاش اۋىلى ماڭىنداعى تاۋدان 3 مىڭ تەكشە مەتردەي قار كوشكىنى ءتۇسىپ, ەلدى مەكەندەردى جالعاستىراتىن جولدى سۋ باسىپ قالدى. بۇل تۋرالى «قازاقستان» تەلەارناسى حابارلادى.
«ءبىر تۇندە قار كوشكىنى تاعى 5 مەترگە دەيىن كوتەرىلدى. تولاسسىز جاۋعان جاڭبىردىڭ سالدارىنان سەل ءجۇرۋ قاۋپى تۋىپ تۇر. سوندىقتان اينالما جول ماسەلەسىن سالۋدى قاراستىرۋدامىز», - دەيدى اۋدان اكىمىنىڭ ورىنباسارى جانبولات تىنىبەكوۆ.
«قازسەلدەنقورعاۋ» جانە «قازگيدرومەت» ماماندارىنىڭ تاراتقان مالىمەتىنە جۇگىنسەك, جاڭبىردىڭ اسەرىنەن ءۇلبى, بۇقتىرما, تۇرعىسىن, كۇرشىم جانە قالجىر وزەندەرىنىڭ سۋى كوتەرىلۋى مۇمكىن. سوندىقتان ولار تۇرعىندارعا تاۋلى جەرلەرگە شىقپاۋعا كەڭەس بەرەدى.
دانيار تۇيمەباي.
