قىزىلوردالىق پوليتسەيلەر 1 اپتا ىشىندە 2 ەسىرتكى القابىن انىقتادى. ولار شيەلى اۋدانى بىرقازان اۋىلى ماڭىنداعى قالىڭ جىڭعىل اراسىنا ەگىلگەن 417 ءتۇپ ماريحۋانانى تاۋىپ, ونى ەككەن كۇدىكتىلەردى قاماۋعا الدى. بۇل تۋرالى «24 kz» حابارلادى.
ارال اۋدانىنىڭ جىڭىشكەقۇم ەلدى مەكەنىنەن 30 شاقىرىم جەرگە ەگىلگەن سورا وسىمدىگى دە تۇگەلىمەن جويىلدى. جالپى, جىل باسىنان بەرى ەسىرتكى زاتىنا قاتىستى 15 ءىس تىركەلگەن. ونىڭ باسىم بولىگى «كوكنار-2013» جەدەل پروفيلاكتيكالىق ءىس-شاراسى بارىسىندا اشىلدى. «417 ءتۇپ ماريحۋاناعا قاتىستى 3 ازامات ۇستالدى. ولارعا قارسى قىلمىستىق كودەكستىڭ 262 –بابىنىڭ 2-بولىگىمەن قىلمىستىق ءىس قوزعالىپ, تەرگەۋ امالدارى جۇرگىزىلۋدە», - دەيدى وبلىستىق ىشكى ىستەر دەپارتامەنتى ەسىرتكى بيزنەسىنە قارسى كۇرەس باسقارماسىنىڭ ءبولىم باستىعى گاۋھار وماروۆا.
دانيار تۇيمەباي.
