«ارداقتى انالار! اياۋلى ارۋلار! سىزدەردى كوكتەمنىڭ ەڭ جارقىن مەيرامى - حالىقارالىق ايەلدەر كۇنىمەن شىن جۇرەكتەن قۇتتىقتايمىن! نازىك جاندىلار سانالى تۇردە تاڭداپ الاتىن كاسىپتەرىنىڭ قاتارىندا مۇعالىم, عالىم, تاربيەشى ماماندىقتارى ەرەكشە قۇرمەتتى ورىندا. ءبىلىم بەرۋ سالاسىنىڭ بارلىق دەڭگەيلەرىندە – مەكتەپكە دەيىنگى, ورتا, قوسىمشا, كاسىپتىك جانە تەحنيكالىق, جوعارى ءبىلىم بەرۋ, عىلىم سالالارىندا – ەڭبەك ەتىپ كەلە جاتقان ايەلدەر قازاقستاننىڭ زياتكەرلىك بولاشاعىن قالىپتاستىرۋ بارىسىندا ۇلكەن ءرول اتقارادى», - دەپ جازدى مينيستر ءوزىنىڭ facebook-پاراقشاسىندا.
ونىڭ اتاپ وتۋىنشە, مەكتەپكە دەيىنگى ءبىلىم بەرۋ سالاسىندا 94 201 ايەل, ورتا ءبىلىم بەرۋ سالاسىندا - 280 955 ايەل, تەحنيكالىق جانە كاسىپتىك ءبىلىم بەرۋ سالاسىندا - 27 850 ايەل, جوعارى ءبىلىم بەرۋ سالاسىندا - 24 611 ايەل, سونداي-اق, عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى جۇزەگە اسىراتىن عىلىم سالاسىندا قىزمەت اتقاراتىن 9 217 زەرتتەۋشى-عالىم ايەل بار.
«اكادەميك تە, ۇستاز دا بولىپ, ءبىلىم جانە عىلىم سالاسىنا ولشەۋسىز ۇلەس قوسىپ كەلە جاتقان ارىپتەستەرىمىزگە العىسىم شەكسىز! قىمباتتى ايەلدەر, وسى كوكتەم مەرەكەسىندە سىزدەرگە باقىت, دەنساۋلىق جانە ساتتىلىك تىلەيمىن! اسپانىمىز اشىق بولىپ, ەلىمىزدە بەيبىتشىلىك پەن تۇراقتىلىق سالتانات قۇرسىن!» - دەدى اسحات ايماعامبەتوۆ.
