ينستيتۋت وقۋ ورنىنىڭ قۇرىلىمدىق بولىمشەلەرىنىڭ ءبىر رەتىندە قازىر ءوز جۇمىسىن باستاپ كەتتى.
اگروتەحنولوگيالىق فاكۋلتەت-ءوڭىردىڭ اگرونەركاسىپتىك كەشەنى ءۇشىن اگرونومدار, مال شارۋاشىلىعىن ونىمدەرىن ءوندىرۋ تەحنولوگياسى, ورمان رەسۋرستارى جانە ورمانشىلىق جانە تەحنيكالىق باعىتتاعى بيوتەحنولوگيا, تاماق ونىمدەرىنىڭ تەحنولوگياسى قاجەتتى مامانداردى دايارلايدى.
وڭىردەگى ورلوۆكا اۋىلىندا ورنالاسقان «پوبەدا» سەرىكتەستىگىندە فاكۋلتەتتىڭ فيليالى جۇمىس ىستەيدى.
فيليال «اۋىل شارۋاشىلىق ماماندىقتارىنا ارنالعان دۋالدى ءبىلىم بەرۋ وقۋ ورتالىعى» سەرىكتەستىك ديرەكتورى الەكساندر پولياكوۆ پەن فاكۋلتەت دەكانى, پروفەسسور توقتار بەكسەيىتوۆتىڭ باستاماسىمەن اشىلدى.
ال, جۋىردا اگرويننوۆاتسيا جانە بيوتەحنولوگيا عىلىمي-زەرتتەۋ ينستيتۋتىندا ء«سۇتتى جانە ەتتى اسىل تۇقىمدى مالدى ءوسىرۋدىڭ عىلىمي تاسىلدەرى» اتتى وقىتۋ كۋرستارى وتكىزىلدى.
سونىمەن قاتار, مالداردى قولدان ۇرىقتاندىراتىن ماماندارعا دا وسى سالاداعى جاڭاشىلدىققا ساي ارنايى لەكتسيالار بارىسىندا ايتىلدى.
ستۋدەنتتەرگە ارنالعان عىلىمي تاقىرىپتاعى كۋرستاردى اۋىل شارۋاشىلىعى عىلىمىنىڭ دوكتورى, پروفەسسور توقتار بەكسەيىتوۆ, عىلىم كانديداتى, پروفەسسور ناديا بورامباەۆا, عىلىم كانديداتى, پروفەسسور رۇستەم ءابىلدينوۆ, phD, پروفەسسور تالعات سەيتەۋوۆتەر جۇرگىزدى.
ال, عىلىمي-زەرتتەۋ ينستيتۋتىنىڭ ديرەكتورى قايروللا اقاجانوۆتىڭ ايتۋىنشا, مۇنداي كۋرستار ەندى تۇراقتى تۇردە جىل سايىن وتكىزىلەدى.
كۋرستاردىڭ تاجىريبەلىك بولىگى-وبلىستىڭ الدىڭعى قاتارلى شارۋاشىلىقتارىندا وتكىزىلەدى. ستۋدەنتترگە مالدى قولدان ۇرىقتاندىرۋدى وقىتۋدان باسقا, ەمبريونداردى ترانسپلانتاتسيالاۋدى قالاي ۇيىمداسترۋ كەرەكتىگى كورسەتىلەدى.
كۋرس اياقتالعاننان كەيىن, ستۋدەنتتەردىڭ العان بىلىمدەرى ارنايى ەمتيحاندا باعالاندى. وقۋ سوڭىندا ستۋدەنتتەرگە ءتيىستى سەرتيفيكاتتار تابىس ەتىلدى.
پاۆلودار وبلىسى
سۋرەتتى تۇسىرگەن: امان سمايىل
