قازىرگى كۇندەرى وڭتۇستىكتەگى قازىعۇرت تاۋىنىڭ ەتەگىندە ءتۇسىرىلىمى جاسالىپ جاتقان ءفيلمنىڭ ايتپاعى وسى. كارتينا «شالاش» دەپ اتالادى. قازاقشا «لاشىق» دەپ الساق, بولاتىن شىعار.
لەنتانى «DS فيلم» كينوستۋدياسى مەن «امانات» پروديۋسەرلىك ورتالىعى ءتۇسىرىپ جاتىر. ونىڭ باستى رولدەرىندە قىرعىز ونەر ينستيتۋتىنىڭ ستۋدەنتى زينات قىدىرمانوۆا مەن ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتى المات ەسىم وينايدى.
«ءبىز فيلمدە اۋىلدىڭ تىرشىلىگىن ەشبىر بوياماسىز كورسەتۋگە ۇمتىلدىق, - دەيدى ءفيلمنىڭ ستسەناريسى ءارى رەجيسسەرى كەنجەبەك شايقاقوۆ. - قازىعۇرت - وتە ءبىر كورىكتى ءوڭىر. سوندىقتان ءتۇسىرىلىمدى وسىندا جاساعاندى ءجون كوردىك. وقيعانىڭ نەگىزىنە ومىردە ناقتىلى بولعان وقيعا الىنعان. ءبىر جاس جىگىت اۋىلداسىنىڭ تاۋىعىن ۇرلاپ, شارتتى تۇردە سوتتالادى. وسىلاي ماسقاراعا ۇشىراعانىنا توزبەگەن ول سوسىن تاۋ باسىنداعى شەكارا ماڭىنداعى قىرعىز ايىلىنا قاشىپ كەتەدى. سوندا بارىپ, شارۋاشىلىقتىڭ مالىن باعادى. ءبىر كۇنى وسىندا ءبىر قىزبەن تانىسىپ قالادى. ەكەۋىنىڭ ورتاسىنان وت ۇشقىنداپ, اقىرى ۇلكەن ماحابباتقا اينالادى. عاشىقتار كۇندەردىڭ كۇنىندە ايىل شەتىنەن لاشىق سالىپ الىپ, بىرگە تۇرىپ جاتادى. ولار وزدەرىن سونىڭ وزىندە جەر بەتىندەگە ەڭ باقىتتى ادامدار سەزىنەدى».
ءفيلمنىڭ ستسەناريى وسىدان ءۇشى جىل بۇرىن «قازاقفيلم» كينوكومپانياسى جاريالاعان كونكۋرستا وزىپ شىققان كورىنەدى. وعان جازۋشى دۋلات يسابەكوۆ, رەجيسسەر ساتىبالدى نارىمبەتوۆ سىندى تۇلعالار جاقسى باعا بەرىپتى.
«ءبىز ەندى كورەرمەننىڭ دە جاقسى باعاسىن الامىز دەگەن ۇمىتتەمىز», دەيدى رەجيسسەر.
مۇرات ايتقوجا.
