اۋداندىق جۇمىسپەن قامتۋ جانە الەۋمەتتىك باعدارلامالار ءبولىمى ماماندارى بەرگەن دەرەككە ساي, بيىلدىڭ وزىندە 197 وتباسىنىڭ التى جاسقا دەيىنگى 200 بالاسى قوسىمشا ازىق-ت ۇلىك جانە تۇرمىستىق حيميا ونىمدەرىمەن قامتاماسىز ەتىلگەن.
جەتى بالا تاربيەلەپ وتىرعان دينارا بيجانوۆا الەۋمەتتىك پاكەت العانىنا قۋانىشتى ەكەنىن جەتكىزدى.
– وندا بالالارعا قاجەتتى بارلىق نارسە بار ەكەن. جارما, بوتقا, ۇلپەك, پيۋرە, ءسۇت جانە تاعى باسقا دا زاتتارعا تولى. بۇل كوپ بالالى وتباسىلارعا ۇلكەن كومەك دەپ ەسەپتەيمىن, – دەدى ول.
كەپىلدى الەۋمەتتىك پاكەتتەر اتاۋلى الەۋمەتتىك كومەك الاتىن وتباسىلارعا عانا بەرىلەتىنىن ايتا كەتكەن ءجون.
ەسكە سالار بولساق, قاراعاندى وبلىسىندا ەلىمىز بويىنشا العاشقىلاردىڭ ءبىرى بولىپ تۇرمىسى تومەن وتباسىلارىنىڭ بالالارى ءۇشىن كەپىلدەندىرىلگەن الەۋمەتتىك پاكەتتەر بەرىلە باستادى.
قاراعاندى وبلىسى
