الماتى الەمنىڭ دامىعان 100 قالاسىنا قاتارىنا قوسىلۋى كەرەك. باقىتجان ساعىنتاەۆ الدا وسىنداي ماڭىزدى مىندەتتىڭ تۇرعانىن ايتتى. وسى ماقساتتا قالادا كرەاتيۆتى يندۋستريانى دامىتۋ باعدارلاماسى دايىندالىپ جاتىر. قاۋىمداستىق مۇشەلەرى بارلىق اۋدانداردا كرەاتيۆتى يندۋستريانى دامىتۋ ءۇشىن ينفراقۇرىلىم جاساۋ, ءبىلىم بەرۋ باعدارلامالارىن جەتىلدىرۋ, شيكىزات بازاسىن ارتتىرۋ ماسەلەلەرىن كوتەردى. سونداي-اق, دارىندى بالالار مەن جاستار, سونىڭ ىشىندە كوپبالالى جانە از قامتىلعان وتباسىلار ءۇشىن ارنايى كۋرستار ۇيىمداستىرىلماق.
«بۇگىندە الماتىدا كاسىپورىنداردىڭ جالپى سانىنان كرەاتيۆتى يندۋستريالار ۇلەسى 6,3% -دى قۇرايدى. كرەاتيۆتى ەكونوميكا قالانىڭ ءوسۋى مەن ءال-اۋقاتىنىڭ نەگىزگى درايۆەرلەرىنىڭ ءبىرى بولادى دەپ جوسپارلانىپ وتىر. العا قويعان مىندەتكە جەتۋ جولىندا الماتىنىڭ الەۋەتى جەتەدى. بۇل تۇرعىدا بارشاڭىزدى بىرلەسىپ ەڭبەك ەتۋگە شاقىرامىن», – دەدى باقىتجان ساعىنتاەۆ.
