بەيبىت تۇرعىنداردىڭ ولىمىنە اكەلىپ سوقتىرعان «مۇسىلمان باۋىرلار» قوزعالىسى جاقتاۋشىلارى باستاعان جاپپاي تارتىپسىزدىكتەرىنەن كەيىن مىسىر پرەمەر-ءمينيسترى حازەم ال-بابلاۋي اتالمىش ۇيىمدى تاراتۋ جونىندە ۇسىنىس ءبىلدىردى. بۇل تۋرالى كايردە وتكەن ءباسپاسوز ءماسليحاتىندا مينيسترلەر كابينەتىنىڭ باق-پەن بايلانىس جونىندەگى كەڭەسشىسى شەريف شوۋكيدىڭ اقپارىنا سىلتەمە جاساعان يتار-تاسس حابارلادى.
شەريف شوۋكيدىڭ ايتۋى بويىنشا, قوزعالىس باسشىلارى ءوز جاقتاۋشىلارىنىڭ مەملەكەتتىك ۇيىمدار مەن پوليتسيا بولىمشەلەرىنە شابۋىل جاساپ, كەڭسەلەر مەن شىركەۋلەردى قيراتىپ, ورتەۋلەرىنە تىكەلەي ىقپال ەتكەن. «ولار نارازىلىق شەرۋ جۇرگىزۋدىڭ شەگىنەن اسىپ, قوعام قاۋىپسىزدىگىنە نۇقسان كەلتىرۋدە», – دەدى مينيسترلەر كابينەتىنىڭ كەڭەسشىسى. ول سونداي-اق ۇكىمەت باسشىسىنىڭ بىرقاتار مينيسترلەرگە «مۇسىلمان باۋىرلار» قوزعالىسىن تاراتۋعا بايلانىستى قاجەت زاڭدى نەگىزدەر دايىنداۋعا تاپسىرما بەرگەنىن حابارلادى.
ءباسپاسوز-كونفەرەنتسياسى بارىسىندا شوۋكي وتكەن تاۋلىكتەردە كاير مەن باسقا دا قالالاردا ورىن العان تارتىپسىزدىكتەر سالدارىنان قازا بولعاندار سانى تۋرالى مىسىر دەنساۋلىق ساقتاۋ مينيسترلىگىنەن الىنعان دەرەكتەردى ۇسىندى. وندا كورسەتىلگەندەي, 173 ادام, ونىڭ ىشىندە 57 ءتارتىپ ساقشىسى قازا تاۋىپ, 1330 ازامات پەن اسكەري قىزمەتكەر جاراقات العان.
ايدار ورىسباەۆ.
