مەرەكەلىك اكتسيا بارىسىندا جاسوتاندىقتار كوممۋنالدىق قىزمەتىنىڭ قىزمەتكەرلەرى مەن دارىگەرلەردى كۇن سايىنعى اۋىر ەڭبەگى ءۇشىن العىس رەتىندە قۇتتىقتادى.
«قازىر سوڭعى وقيعالارعا بايلانىستى كوممۋنالدىق قىزمەتتىڭ قىزمەتكەرلەرى مەن دارىگەرلەر اۆرالدى رەجيمدە جۇمىس ىستەۋدە. دارىگەردىڭ كۇندەلىكتى ەڭبەگى ادامداردىڭ ءومىرىن قۇتقارۋعا باعىتتالعان. ال كوممۋنالدىق قىزمەت قىزمەتكەرلەرى ەرلەرمەن قاتار, اۋا رايىنا قاراماستان, تاڭەرتەڭنەن كەشكە دەيىن ەلوردا كوشەلەرىن قاردان تازارتىپ, قازاقستاننىڭ جۇرەگى - ەلوردانىڭ تازالىعى مەن سىرتقى قولايلى كەلبەتىن كوركەيتىپ ءجۇر. سوندىقتان دا ءبىز جاسوتاندىقتارمەن وسى ەڭبەكتەرى ءۇشىن العىس ايتىپ, مەيراممەن قۇتتىقتاۋدى ءجون كوردىك» دەدى Jas Otan جق اتقارۋشى حاتشىسى جانات چۋكەەۆ.
اكتسيا اياسىندا كوكتەم مەن مەرەكەنىڭ سيمۆولى رەتىندە قىزعالداقتار مەن تاتتىلەر تۇرىندە ەستەلىك سىيلىقتار بەرىلدى.
شارا سوڭىندا بەلسەندىلەر قالا تۇرعىندارى مەن قوناقتارىن قۇتتىقتاپ, ولارعا مەرەكەلىك كوڭىل-كۇي سىيلاۋ ماقساتىندا قىزعالداقتار سىيلادى.
