ءوز سوزىندە قىرعىزستاننىڭ دەلەگاتسياسى قازاقستاننىڭ دسۇ-نىڭ تاريفتەر مەن ساۋدا جونىندەگى باس كەلىسىمىنىڭ جانە دسۇ-نىڭ ساۋدا راسىمدەرىن جەڭىلدەتۋ جونىندەگى كەلىسىمىنىڭ كەيبىر ەرەجەلەرىن بۇزعاندىعى تۋرالى مالىمدەدى. سونداي-اق, قازاقستاننىڭ شەكارادا قولدانىلاتىن شارالارىمەن بايلانىستى قىرعىزستاننىڭ ەكونوميكالىق كورسەتكىشتەرىنىڭ ناشارلاعانى اتاپ ءوتىلدى.
ج. ايتجانوۆا ەۋرازيالىق ەكونوميكالىق وداق تۋرالى شارتقا سايكەس, ەاەو مۇشە مەملەكەتتەردىڭ اۋماقتارى اراسىندا كەدەندىك دەكلاراتسيالاۋ مەن مەملەكەتتىك باقىلاۋدى, ونىڭ ىشىندە كەدەندىك, كولىكتىك, ۆەتەرينارلىق جانە سانيتارلىق باقىلاۋدى قولدانباي تاۋارلاردى ەركىن وتكىزۋ جۇزەگە اسىرىلاتىنىن اتاپ ءوتتى. دەمەك, قىرعىز رەسپۋبليكاسىنان قازاقستانعا كەلەتىن جانە ءبىزدىڭ ەلدىڭ اۋماعى ارقىلى ترانزيتپەن وتەتىن بارلىق تاۋارلار كەدەندىك باقىلاۋ تالاپتارىنان بوساتىلعان. وسىعان بايلانىستى, قىرعىزستان كوتەرگەن ماسەلەلەر تەك قانا ەاەو زاڭناماسىنىڭ قۇقىق قولدانۋ پراكتيكاسىمەن بايلانىستى جانە وسى ۇيىمنىڭ الاڭىندا تالقىلانۋى ءتيىس.
قازاقستان تاراپى ەاەو مۇشە مەملەكەتتەرى بىرىڭعاي كەدەندىك اۋماق شەڭبەرىندە جۇمىس ىستەيتىنىن اتاپ ءوتتى, وسىعان بايلانىستى قازاقستاننىڭ دسۇ-نىڭ تاريفتەر مەن ساۋدا جونىندەگى باس كەلىسىمىنىڭ (1994 جىلعى گاتت) جانە دسۇ-نىڭ ساۋدا راسىمدەرىن وڭايلاتۋ جونىندەگى كەلىسىمىنىڭ (سروجك) ەرەجەلەرىن بۇزۋىنا بەرگەن قىرعىزستاننىڭ شاعىمى نەگىزسىز ەكەنىن اتاپ ءوتتى.
بۇدان ءارى قىرعىز جۇك تاسىمالداۋشىلارى تاراپىنان كوپتەگەن بۇزۋشىلىقتار فاكتىلەرىنە اۋدارىپ, اتاپ ايتقاندا 2019 جىلدىڭ ىشىندە قازاقستاننىڭ ۋاكىلەتتى مەملەكەتتىك ورگانى قىرعىزستاننان جالعان الۋشىلارعا تاۋار اكەلۋدىڭ 2600-دەن استام وقيعاسىن انىقتادى. سونداي-اق, قىرعىز تاۋارلارىنىڭ جالعان ءترانزيتىن جۇزەگە اسىرۋدىڭ 4800-دەن استام جاعدايى انىقتاپ, ياعني تاۋارلار رەسەي اۋماعىنا ترانزيت رەتىندە مالىمدەلدى, الايدا ءىس جۇزىندە قازاقستان نارىقتارىندا جاناما سالىقتاردى (ققس) تولەمەي ساتىلدى. وسىعان بايلانىستى قازاقستان ۇكىمەتى قابىلداعان شارالار سالىقتىق اكىمشىلەندىرۋدى جانە ەل بيۋدجەتىنە ققس تۇسىمدەرىنىڭ تولىقتىعىن قامتاماسىز ەتۋگە باعىتتالعان. بۇل رەتتە, بۇل شارالار وتاندىق جۇك تاسىمالداۋشىلارعا دا, سونداي-اق ەاەو مۇشەمەملەكەتتەرى مەن ءۇشىنشى ەلدەردىڭ جۇك تاسىمالداۋشىلارىنا دا تەڭ دارەجەدە قولدانىلادى.
قازاقستان تاراپى وسى ماسەلەلەردى رەتتەۋ ءۇشىن ەكىجاقتى كونسۋلتاتسيالاردىڭ بارلىق الەۋەتىن, سونداي-اق ەاەو-دا بار ينستيتۋتسيونالدىق تەتىكتەردى پايدالانۋ قاجەتتىگىن اتاپ ءوتتى.
قورىتىندىلاي كەلە, قازاقستاننىڭ تۇراقتى وكىلى قىرعىز رەسپۋبليكاسىن ەاەو-عا كىرۋ كەزىندە قابىلداعان مىندەتتەمەلەردى تولىق ورىنداۋعا, سونداي-اق ءوز سەرىكتەستەرىنىڭ ۇلتتىق زاڭناماسىن ساقتاۋعا شاقىردى.
قازاقستاندىق دەلەگاتسيانىڭ ءسوز سويلەۋىنە جاۋاپ رەتىندە قىرعىزستان وكىلى ەكى جاقتى تارتىپتە رەتتەۋ مۇمكىن ەمەستىگىنە بايلانىستى جانە ەاەو شەڭبەرىندە بۇل ماسەلە داۋلاردى شەشۋ جونىندەگى دسۇ ورگانىنىڭ قاراۋىنا ەنگىزىلەتىنىن مالىمدەدى.
قازاقستاننىڭ تۇراقتى وكىلى قازاقستاندىق تاراپ دسۇ الاڭىندا سوت داۋى شەڭبەرىندە ءوز مۇددەلەرى مەن زاڭدى شارالارىن قورعاۋعا دايىن ەكەنىن اتاپ ءوتتى.
بۇدان باسقا, قازاقستان دسۇ مۇشەلەرىنىڭ نازارىن قىرعىز رەسپۋبليكاسى تاراپىنان اتالعان ۇيىم نورمالارىنىڭ ەلەۋلى بۇزۋشىلىقتارىنا اۋداردى,ەاەو-عا باسقا مۇشە مەملەكەتتەردەن اكەلىنەتىن جەكەلەگەن تاۋارلارعا باقىلاۋ باعالارىنىڭ ەڭ تومەنگى دەڭگەيىن (ببەتد) قولدانۋمەن; قىرعىز رەسپۋبليكاسىنىڭ كاسىپورىندارىندا وندىرىلەتىن اۋىل شارۋاشىلىعى تەحنيكاسىن ققس تولەۋدەن بوساتۋ جانە قىرعىز رەسپۋبليكاسى ۇكىمەتىنىڭ قازاقستان ەاەو بكت-دان الىپ تاستاۋدى قولداناتىن تاۋارلاردى اكەلۋگە تىيىم سالۋدى ەنگىزۋدى كوزدەيتىن قاۋلى جوباسىن ازىرلەۋى.
