جەڭىلدەتىلگەن نەسيە قازاقستاندا جاسالعان كولىكتەرگە عانا بەرىلەدى. بىلتىر وسى باعدارلاما بويىنشا 17 مىڭنان استام وتانداسىمىز جاڭا كولىك الدى. ال بيىل ساتىلىم كولەمى كوبەيەدى دەگەن بولجام بار. جەڭىلدەتىلگەن اۆتونەسيە ءۇشىن قوسىمشا 20 ملرد تەڭگە بولىنەدى بيىل جەڭىلدەتىلگەن اۆتونەسيە باعدارلاماسىنا قوسىمشا 20 ميلليارد تەڭگە بولىنەدى. ونى ەلىمىزدەگى ەكىنشى دەڭگەيلى بانكتەر جۇزەگە اسىرادى. نەسيەلەۋ شارتتارى وزگەرمەگەن. ياعني قارىزدىڭ جىلدىق ۇستەمەسى – 4 پروتسەنت. 7 جىلعا بەرىلەدى. كولىك قۇنى 15 ميلليون تەڭگەدەن اسپاۋى ءتيىس. اۆتونەسيە باعدارلاماسىنا قازاقستاندا قۇراستىرىلعان 30 ءتۇرلى كولىك ماركاسى كىرەدى. ولاردىڭ اراسىندا جەڭىل اۆتوكولىكتەر, كروسسوۆەرلەر جانە جول تاڭدامايتىن تەمىر تۇلپارلار دا بار. قاۋىمداستىق وكىلدەرىنىڭ ايتۋىنشا, باعدارلاما كەز كەلگەن ادامعا قولجەتىمدى. بىراق نەسيەلەۋگە بولىنگەن قارجى ءوتىنىش بەرگەندەردىڭ بارلىعىن قامتۋعا جەتىپەيدى. ويتكەنى ءبىر ايدا جەڭىلدەتىلگەن نەسيەمەن تەك 100 كولىك ساتىلۋى ءتيىس بولسا, ساتىپ الۋعا نيەتتىلەر سانى 3 مىڭنان اسادى. سوندىقتان ءبىر جىلعا بولىنگەن قارجى بىرنەشە ايدىڭ ىشىندە تولىق جاراتىلىپ كەتەدى. سونداي-اق كولىك تاسىمالداۋشىلار ءۇشىن جەڭىلدەتىلگەن ليزينگ باعدارلاماسى جۇمىس ىستەيدى. ول بويىنشا 15 ميلليارد تەڭگە قوسىمشا ترانش بولىنەدى دەگەن جوسپار بار. ەسكە سالا كەتەيىك, اتالعان باعدارلاما ەلىمىزدە 2015 جىلدان باستاپ جۇزەگە اسىرىلىپ كەلەدى. وسى ۋاقىت ىشىندە 15 مىڭعا جۋىق جەڭىل اۆتوكولىك جەڭىلدەتىلگەن نەسيەمەن ساتىلدى.
دۇنيەجۇزىلىك بانك كوروناۆيرۋسپەن كۇرەسكە $12 ملرد ءبولدى
دۇنيەجۇزىلىك بانك كوروناۆيرۋسپەن كۇرەستى كۇشەيتۋ ءۇشىن 12 ميلليارد اقش دوللارىن بولەدى. قارجى ەكونوميكالىق جاعدايى تومەن دامۋشى مەملەكەتتەردىڭ دەنساۋلىق ساقتاۋ سالاسىن كۇشەيتۋگە جۇمسالادى. سونىمەن قاتار جەرگىلىكتى بيلىكتىڭ جەكە كاسىپكەرلەرمەن قارىم-قاتىناسىن نىعايتىپ, ەلدەگى الەۋمەتتىك-ەكونوميكالىق جاعدايدى تۇراقتاندىرۋعا باعىتتالادى. بۇعان دەيىن بىرنەشە ەلدىڭ ۇكىمەتى مەن ورتالىق بانكى كوروناۆيرۋسقا بايلانىستى شىعىنداردىڭ ارتقانىن, بۇل الەم نارىعىنداعى تۇراقسىزدىققا اكەلۋى مۇمكىن ەكەنىن مالىمدەگەن. دۇنيەجۇزلىك بانك پرەزيدەنتى دەۆيد مالپاسستىڭ ايتۋىنشا, قارجىنى ۇلەستىرۋدىڭ جولدارىن قاراستىرعان. قاجەتتىلىك تۋىنداسا, بانك بولىنگەن سومانى كوبەيتۋى دە مۇمكىن. وپەك مۇناي ءوندىرىسىن قىسقارتۋى مۇمكىن ۆەنادا وپەك ۇيىمىنا مۇشە مەملەكەتتەردىڭ مينيسترلەرىنىڭ كەزدەسۋى ءوتىپ جاتىر. ءۇش كۇنگە جوسپارلانعان جيىندا قارا التىننىڭ قۇنىن كوتەرۋگە باعىتتالعان ءىس-شارالار جوسپارى تالقىلانادى. ارينە ول ءۇشىن مۇناي ءوندىرىسىن ازايتۋعا قاتىستى جاڭا شەشىمدەر قابىلدانۋى مۇمكىن. جيىننىڭ ءتۇيىنى 6 ناۋرىزدا ناقتى جاريالانباق.
ايتا كەتەيىك, كوروناۆيرۋسقا بايلانىستى كەزدەسۋ كۇشيتىلگەن قاۋىپسىزدىك جاعدايىندا ءوتىپ جاتىر. سوندىقتان ۆەناعا باراتىن دەلەگاتتار سانى دا بارىنشا ىقشامدالعان. ال تىلشىلەرگە وپەك-ءتىڭ شتاپ پاتەرىنە كىرۋگە تىيىم سالىنعان. بىلتىر قازاقستان 200 مىڭ توننا تۇز ەكسپورتتادى بيىل قاڭتاردا ەلىمىزدە 25 مىڭ توننادان استام اس تۇزى ءوندىرىلدى. بۇل وتكەن جىلدىڭ سايكەس كەزەڭىمەن سالىستىرعاندا 32 پروتسەنتكە كوپ. ءونىمنىڭ 88 جارىم پروتسەنتى نەمەسە 22,6 مىڭ تونناسى قىزىلوردا وبلىسىندا وندىرىلگەن. 8 پروتسەنتتەيى اتىراۋدان الىندى. ال بىلتىر قاڭتار مەن جەلتوقسان ارالىعىندا تۇز ءوندىرىسى 1 ميلليون تونناعا جەتتى. وسىلايشا ىشكى نارىق تولىقتاي وتاندىق ونىممەن قامتىلدى. ال شەت ەلدەرگە 200 مىڭ توننا اس سوداسى ەكسپورتتادى. بۇل الدىڭعى جىلمەن سالىستىرعاندا 16 پروتسەنتكە كوپ.
بۇگىندە قازاقستان بويىنشا ءبىر كەلى تۇزدىڭ ورتاشا قۇنى – 52 تەڭگە. بولشەك ساۋدادا ەڭ جوعارعى باعا الماتىدا تىركەلدى. وڭتۇستىك استانالىقتار ونىڭ كەلىسىن 59 تەڭگەدەن الادى. ال تۇز ەڭ ارزان ءوڭىر – اقتوبە. مۇندا كەلىسى 32 تەڭگەدەن ساۋدالانعان.
