ۇستىمىزدەگى جىلدىڭ باسىنان بەرى استانا قالاسىندا 9500 وقۋشىعا ارنالعان 8 جاڭا مەكتەپ عيماراتىنىڭ قۇرىلىسى جۇرگىزىلۋدە. ولاردىڭ ىشىندە 1200 وقۋشىعا ارنالعان «بىتىعاي» تۇرعىن ءۇي كەشەنىندەگى جاڭا مەكتەپ الدىمىزداعى 1 قىركۇيەكتە ەسىگىن ايقارا اشادى.
ۇستىمىزدەگى جىلدىڭ باسىنان بەرى استانا قالاسىندا 9500 وقۋشىعا ارنالعان 8 جاڭا مەكتەپ عيماراتىنىڭ قۇرىلىسى جۇرگىزىلۋدە. ولاردىڭ ىشىندە 1200 وقۋشىعا ارنالعان «بىتىعاي» تۇرعىن ءۇي كەشەنىندەگى جاڭا مەكتەپ الدىمىزداعى 1 قىركۇيەكتە ەسىگىن ايقارا اشادى.
وتە جوعارى قارقىنمەن ءوسىپ كەلە جاتقان ەلوردامىزدا مەكتەپ جانە مەكتەپ جاسىنا دەيىنگى بالالار مەكەمەلەرىندەگى ورىن سانىنىڭ جەتىمسىزدىگى وتكىر بولىپ وتىر. قالا اكىمدىگى بۇل كەلەلى پروبلەمانى شەشۋ ءۇشىن سوڭعى جىلدارى كەشەندى شارالاردى قولعا الدى. بيىلعى جىلدىڭ وزىندە استانا قالاسىندا قاتارىنان 8 جاڭا مەكتەپ قۇرىلىسى باستالعان بولاتىن. اتاپ ايتقاندا, ولاردىڭ قاتارىندا №50 جانە ش.قالداياقوۆ اتىنداعى كوشەلەر قيىلىسىنداعى مەكتەپ عيماراتى, م.جۇماباەۆ كوشەسىنەن شىعىسقا قاراي سارايشىق كوشەسىندەگى مەكتەپ قۇرىلىسى, ورىنبور, ەڭبەكشىلەر كوشەلەرىنىڭ جانە كەرەي, جانىبەك حاندار كوشەسىنىڭ قيىلىسىنداعى جاڭا مەكتەپ عيماراتى, جەلەزنودوروجنىي كەنتىندەگى جانە №41 كوشە مەن ميرزويان كوشەسىنىڭ جالعاسىنداعى, «بىتىعاي» تۇرعىن ءۇي كەشەنىندەگى جاڭا مەكتەپتەر بار. 2013 جىلعى جاڭا وقۋ جىلىندا وسى سالىنىپ جاتقان مەكتەپ عيماراتتارىنىڭ ىشىندە «بىتىعاي» تۇرعىن ءۇي كەشەنىندەگى 1200 وقۋشىعا ارنالعان جاڭا مەكتەپ پايدالانۋعا بەرىلەدى. ال جىلدىڭ اياعىنا دەيىن جەلەزنودوروجنىي كەنتىندەگى جانە №41 كوشە مەن ميرزويان كوشەلەرى قيىلىسىنداعى جاڭا مەكتەپ عيماراتتارى پايدالانۋعا بەرىلمەك. بۇل تۋرالى استانا قالاسىنىڭ astana.kz رەسمي سايتىندا حابار تاراتىلدى.
سونىمەن بىرگە, مەملەكەت باسشىسىنىڭ تىكەلەي باستاماسىمەن جۇزەگە اسىرىلىپ جاتقان «بالاپان»باعدارلاماسى اياسىندا تەك 2013 جىلى عانا 2600 بۇلدىرشىنگە ارنالعان 6 مەملەكەتتىك, 8 جەكە مەنشىك بالالار باقشالارى جانە 2 شاعىن-ورتالىق پايدالانۋعا بەرىلدى. سونىمەن بىرگە, قازىرگى كەزدە 2800 بۇلدىرشىنگە ارنالعان 12 بالالار باقشاسىنىڭ قۇرىلىسى سالىنۋدا. №4 بالالار باقشاسىنا 60 ورىندىق قوسىمشا قۇرىلىس جۇمىسى جۇرگىزىلۋدە.
جىلقىباي جاعىپار ۇلى,
«ەگەمەن قازاقستان».
