كەزدەسۋ بارىسىندا ەكونوميكا, مادەنيەت جانە تۋريزم سالالارىندا ءوزارا پايدالى ىنتىماقتاستىق پەرسپەكتيۆالارىن كەڭەيتۋ ماسەلەلەرى قارالدى. قازىرگى كەزدە الماتىدا ساۋدا, لوگيستيكا, اۋىل شارۋاشىلىعى ونىمدەرىن وڭدەۋ سالالارىندا ليتۆالىق كاپيتالمەن 94 كاسىپورىن جۇمىس جاساۋدا. وتكەن جىلدىڭ قورىتىندىسى بويىنشا الماتى مەن ليتۆا اراسىنداعى تاۋار اينالىمى 40 ملن دوللاردى قۇرادى.
ء«بىزدى ليتۆالىق قالالاردىڭ Smart City ارقىلى قالا شارۋاشىلىعىن باسقارۋدا يننوۆاتسيالىق جوبالاردى جۇزەگە اسىرۋ جونىندەگى تاجىريبەسى قىزىقتىرادى. بۇگىنگى كۇنى الماتىدا تۇكش, كولىك, دەنساۋلىق ساقتاۋ, ءبىلىم مەن قوعامدىق قاۋىپسىزدىكتى قامتاماسىز ەتۋ جۇيەلەرىن تسيفرلاندىرۋ بويىنشا جۇمىستار قارقىندى جۇرۋدە. بيزنەس-فورۋمدا ءبىزدىڭ كاسىپكەرلەر بىرىككەن جوبالاردى جۇزەگە اسىرۋ پەرسپەكتيۆالارىن تالقىلايتىن بولادى. مۇنداي كەزدەسۋلەردىڭ ءوزارا پايدالى ىنتىماقتاستىقتى ودان ءارى دامىتۋعا جاڭا سەرپىن بەرەتىنىنە سەنىمدىمىن», - دەدى ليتۆالىق دەلەگاتسياعا ارناعان سوزىندە الماتى اكىمى باقىتجان ساعىنتاەۆ.
ۋكمەرگە, كەداينياي, زاراساي, بيرجاي, كايشيادوريس, روكيشكيس, ەلەكترەناي, ماجەيكياي سىندى قالالار مەن اۋدانداردىڭ جانە كاۋناس اۋدانىنىڭ مەرلەرى مەن وكىلدەرى ءوز قالالارىنىڭ ەرەكشەلىكتەرى مەن مۇمكىندىكتەرى تۋرالى ايتىپ بەردى.
بۇلاردان وزگە, ليتۆا ساۋدا- ونەركاسىپ پالاتاسىنىڭ وكىلدەرى ەو تالاپتارىنا ساي جوعارى تەحنولوگيالىق جوبالاردى جۇزەگە اسىرۋ جانە ءونىم شىعارۋ بويىنشا تاجىريبە الماسۋعا دايىن ەكەندىكتەرىن ءبىلدىردى. سونىمەن قاتار, ليتۆالىق دەلەگاتسيا وكىلدەرى الماتى بيزنەسىن ءوز ەلدەرىنىڭ لوگيستيكالىق جانە ەكسپورتتىق الەۋەتىن پايدالانۋعا شاقىردى.
