قوعام • 28 اقپان، 2020

ەلوردالىق وقۋشىلار تەگىن جۇرەدى

10 رەتكورسەتىلدى

ەلوردادا كامەلەتكە تولماعان بالالار قوعامدىق كولىكپەن تەگىن جۇرەدى. بۇل تۋرالى كەشە «Astana LRT» ۇيىمداستىرعان كورمە-كونفەرەنتسيادا ايتىلدى. جيىندا باس قالانىڭ كولىك كومپانياسى وتكەن جىلدى قورىتىندىلاپ، الداعى جوسپارلارىمەن ءبولىستى.

«Astana LRT» كومپانياسىنىڭ باسقارما تور­اعاسى بەكمىرزا يگەنبەردينوۆ ناۋرىزدان باس­تاپ كامەلەتكە تولماعان بارلىق بالالار ەلوردادا قوعامدىق كولىكتە تەگىن جۇرەتىنىن حابارلادى.

سونىمەن قاتار كومپانيا باسشىسى سەرىك­تەستىكتىڭ اتاۋىن وزگەرتىپ، رەبرەندينگتىڭ ءتيىستى شارا­لارىن قابىلداۋ تۋرالى شەشىم قابىلداعانىن ايتتى. كومپانيا باسشىسىنىڭ سوزىنە قاراعاندا، بۇل شەشىم حالىقارالىق تاجىريبەگە نەگىزدەلىپ جاسال­دى. مەكەمە اتاۋى ونىڭ قىزمەتىن كورسەتەتىندەي الەمدىك ۇردىستەرگە ساي وڭتايلى بولۋى ءتيىس. ەندىگى «استانا LRT» جشس-نىڭ جاڭا اتاۋى – City Transportation Systems. قازاق تىلىندەگى ماعىناسى  قالالىق كولىك جۇيەلەرى دەگەندى بىلدىرەدى.

− ءاۋ باستا ەلورداداعى حالىقتىڭ سانى 1 ميل­ليونعا تەك 2030 جىلى جەتەدى دەپ بولجانعان ەدى. الايدا قالا تۇرعىندارىنىڭ سانى جىلدام ءوسىپ كەلەدى. كومپانيانىڭ جۇمىسىن جانداندىرىپ، رەبرەندينگ جۇرگىزىپ جاتىرمىز. اعىلشىن تىلىندەگى اتاۋ كەزدەيسوق تاڭدالعان جوق. سەبەبى ءبىزدىڭ كومپانيا حالىقارالىق قوعامدىق كولىك وداعىنىڭ مۇ­شەسى، – دەدى ب.يگەنبەردينوۆ. ونىڭ ايتۋىنشا، حا­لىق كولىك كارتاسىن قايتا ساتىپ الۋعا مىندەتتى ەمەس.

 

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار