قازاقستان • 27 اقپان، 2020

الەمنىڭ 50 ەلىمەن جۇمىس ىستەيتىن وبلىس

22 رەتكورسەتىلدى

اتىراۋ وبلىسى — ەلىمىز بويىنشا ينۆەستيتسيا كولەمىنىڭ شامامەن ۇشتەن ءبىر بولىگىن قامتاماسىز ەتەتىن، ءىرى وتاندىق ءارى شەتەلدىك ينۆەستورلار ءۇشىن اسا تارتىمدى ايماق. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

اتىراۋ وبلىسى اكىمدىگىنىڭ مالىمەتىنشە، 2020 جىلدىڭ قاڭتار ايىندا نەگىزگى كاپيتالعا سالىنعان ينۆەستيتسيالار كولەمى 348،4 ملرد تەڭگەنى نەمەسە 2019 جىلدىڭ سايكەس كەزەڭىمەن سالىستىرعاندا 108،8% قۇرادى.

بۇگىنگى تاڭدا وبلىس الەمنىڭ 50-دەن استام ەلىمەن تابىستى ىنتىماقتاستىق ورناتقان، 1000-نان استام بىرلەسكەن جانە شەتەلدىك كاسىپورىندار قۇرىلىپ، ءساتتى جۇمىس ىستەۋدە.

اتىراۋ وبلىسىنىڭ اكىمدىگى ءوڭىردىڭ ينۆەستيتسيالىق احۋالىن جاقسارتۋ جانە وبلىس ەكونوميكاسىنا تىكەلەي شەتەلدىك ينۆەستيتسيالاردى تارتۋ بويىنشا جۇيەلى جۇمىس جۇرگىزۋدە.

وبلىستا جىل سايىن «Global Oil&Gas Atyrau» جانە «Atyrau Build» سولتۇستىك كاسپي وڭىرلىك كورمەلەرى وتكىزىلەدى، وبلىس اكىمدىگى مەن ءوڭىر كاسىپورىندارىنىڭ وكىلدەرى تاياۋ جانە الىس شەت ەلدەردە وتكىزىلەتىن حالىقارالىق ينۆەستيتسيالىق ءىس-شارالارعا بەلسەندى تۇردە قاتىسادى.

2019 جىلى وبلىسقا رەسمي ساپارلارمەن الىس جانە جاقىن شەت ەلدەردەن بىرقاتار دەلەگاتسيا كەلدى. ولاردىڭ ىشىندە ۇلىبريتانيا، يتاليا، جاپونيا، بەلارۋس رەسپۋبليكاسى، كانادا، گەرمانيا، اقش جانە باسقالارى بار.

وتاندىق جانە شەتەلدىك ينۆەستورلارعا ساپالى جانە جەدەل كومەك كورسەتۋ، اقپاراتتىق-تالدامالىق جانە سەرۆيستىك قولداۋ كورسەتۋ ءۇشىن وڭىردە «Kazakh Invest» ۇك» اق، «اتىراۋ اكك» اق، «اتىراۋ Innovations» جشس جۇمىس ىستەيدى.

بۇدان وزگە، اتىراۋ وبلىسى اكىمىنىڭ قاۋلىسىمەن ء«بىر تەرەزە» قاعيداتى بويىنشا ينۆەستورلارعا قىزمەت كورسەتۋ ورتالىعى رەتىندە «اتىراۋ» الەۋمەتتىك-كاسىپكەرلىك كورپوراتسياسى انىقتالدى. ءوڭىردىڭ ينۆەستيتسيالىق قىزمەتىنە بايلانىستى پروبلەمالىق ماسەلەلەردى جەدەل شەشۋ ءۇشىن اتىراۋ وبلىسىنىڭ اكىمدىگى ينۆەستورلاردى تارتۋ جانە ينۆەستيتسيالىق احۋالدى جاقسارتۋ جونىندەگى وڭىرلىك كەڭەستى، سونداي-اق ەكسپورت جونىندەگى وڭىرلىك كەڭەستى قۇردى. كەڭەستەردىڭ وتىرىستارى توقسان سايىن وتكىزىلەدى.

«International Pipeline Structure Solutions Caspian» جشس — ديستريبيۋتور جانە ۇلىبريتانيادا ورنالاسقان Swagemaster Engineering Services اتىنان ليتسەنزيا بويىنشا وندىرەدى. 

بۇل كاسىپورىن ۇلىبريتانيادان تىس جەردە اشىلعان كومپانيانىڭ العاشقى نىسانى، 2019 جىلى IPSS Group ازەربايجان مەن برازيليادا فيليالدارىن اشتى.

IPSS كومپانياسى سەرىكتەستىكتىڭ ارنايى باعدارلاماسىنا قاتىستى، ونىڭ ماقساتى — جاڭا بريتاندىق ينۆەستورلاردى ۇسىنۋ جانە بريتاندىق جانە قازاقستاندىق كومپانيالار اراسىنداعى ىنتىماقتاستىققا ىقپال ەتۋ. اتالعان باعدارلامانى ۇلىبريتانيانىڭ حالىقارالىق ساۋدا دەپارتامەنتى، PSA جشس، «KAZENERGY» قاۋىمداستىعى، قپو، تشو جانە نكوك وپەراتور-كومپانيالارىمەن ىنتىماقتاستىقتا قولدايدى.

كاسىپورىندا بۇرىلمالى بىتەۋىش، جاپقىش، تۇتقاسى بار بىتەۋىشتەر سياقتى ۋاقىتشا قۇبىرعا ارنالعان فيتينگتەر قۇراستىرىلادى.

سوڭعى جاڭالىقتار

ۇقساس جاڭالىقتار