پرەزيدەنت • 26 اقپان، 2020

پرەزيدەنت عىلىمعا بولىنەتىن قارجى كولەمىن كوبەيتۋدى تاپسىردى

119 رەتكورسەتىلدى

بۇل تۋرالى اقوردانىڭ ءباسپاسوز قىزمەتى حابارلادى.

پرەزيدەنتكە ءبىلىم جانە عىلىم سالاسىنىڭ قازىرگى احۋالى جايىندا باياندالدى.

قاسىم-جومارت توقاەۆ جوعارى ءبىلىم بەرۋدىڭ ساپاسىن ودان ءارى ارتتىرۋ، قالا مەن اۋىل مەكتەپتەرىندەگى ءبىلىم ساپاسىنىڭ دەڭگەيىن سايكەستەندىرۋ قاجەتتىگىنە باسا ءمان بەردى. سونىمەن قاتار بالالارعا قوسىمشا ءبىلىم بەرۋ شارالارىن كوبەيتۋدىڭ، مەكتەپتەردە تاربيە جۇمىستارىن بەلسەندى جۇرگىزۋدىڭ ماڭىزدىلىعىن اتاپ ءوتتى.

مەملەكەت باسشىسى وبلىس اكىمدەرىمەن بىرلەسىپ اپاتتى جانە ءۇش اۋىسىمداعى مەكتەپتەردىڭ پروبلەماسىن شەشۋ، ءبىلىم بەرۋ وشاقتارىندا كۇردەلى جوندەۋ جۇمىستارىن ۋاقتىلى جۇرگىزۋ قاجەتتىگىن ايتتى.

سونداي-اق پرەزيدەنت عىلىم سالاسىن قارجىلاندىرۋ جانە باسقارۋ جۇيەسىن جاڭعىرتۋ شارالارىن قابىلداۋدى، عىلىمعا بولىنەتىن قارجى كولەمىن كوبەيتۋدى، عىلىمي كادرلاردى دايىنداۋدىڭ تيىمدىلىگىن ارتتىرۋدى تاپسىردى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار