ۇيىمداستىرۋشىلار شارانىڭ ماقساتى – قازاق ونەرىنىڭ دامۋىنا سۇبەلى ۇلەس قوسقان ءانشىنىڭ شىعارماشىلىق مۇراسىن ناسيحاتتاۋ, جاس تالانتتاردى قاناتتاندىرۋ, مۋزىكالىق تالعامعا تاربيەلەۋ جانە جاندى داۋىستاعى وركەسترمەن جۇمىس ىستەۋ شەبەرلىگىن دامىتۋ ەكەنىن ايتادى.
بيىلعى بايقاۋدىڭ باستى ەرەكشەلىگى - فيناليستەر باتتل ارقىلى ىرىكتەلەدى. وعان 18 بەن 30 جاس ارالىعىنداعى ۆوكاليستەر قاتىسا الادى. ءان دوداسىنىڭ فينالى شۇكەنوۆتىڭ تۋعان جەرى قىزىلوردادا مامىردىڭ 16-سى مەن 18-ءى ارالىعىندا وتەدى دەپ كۇتىلۋدە.
«باۋقاۋدىڭ «وتان انا» دەپ اتالۋىنىڭ وزىندىك سەبەبى بار. سەبەبى باتىرحان اعامىزدىڭ ەڭ باستى ءانى دەپ وسى ءاندى ايتامىز. بۇل شىعارما ءانشىنىڭ كارەراسىنداعى, ونەرىندەگى ءبىر ۇلكەن بەلەس دەپ ويلايمىن», - دەيدى GAKKU مۋزىكالىق تەلەارناسىنىڭ باس پروديۋسەرى, قازىلار القاسىنىڭ مۇشەسى تيمۋر بالىمبەتوۆ.
