قازاقستان • 26 اقپان، 2020

«ە-ءمۇفتيات» اقپاراتتىق جۇيەسى قۇرىلادى

30 رەتكورسەتىلدى

قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعان ۇلىنىڭ باستاماسىمەن «ە-ءمۇفتيات» اقپاراتتىق جۇيەسى قۇرىلاتىن بولدى. 

ەلوردادا وتكەن القالى جيىندا باس مۇفتيگە اتالعان جوبانىڭ جوسپارى تانىستىرىلدى.

قمدب ءباسپاسوز قىزمەتىنىڭ مالىمەتىنشە، «ە-ءمۇفتيات» اقپاراتتىق جۇيەسىنە يمام-مولدالاردىڭ ءبىلىم دەڭگەيى، عىلىمي دەرەجەسى، ۇلتى، وتباسى جاعدايى، وبلىستاعى مەشىت سانى، ت.ب. مالىمەتتەر ەنگىزىلمەك.

«قازىر ەلەكتروندى تەحنولوگيانىڭ دامىعان زامانى. الەم ەلەكتروندى جۇيەگە كوشۋ ۇدەرىسىندە. ءبىز، ءدىن قىزمەتكەرلەرى بۇل تەندەنتسيادان قالىس قالماۋىمىز قاجەت. «ە-ءمۇفتيات» اقپاراتتىق جۇيەسى جۇمىس تيىمدىلىگىن ارتتىرۋمەن قاتار، قمدب ورتالىق اپپاراتىنىڭ كادر قىزمەتىن وڭتايلاندىرۋعا وڭ ىقپال ەتەدى. سوندىقتان وسى جوبانى جەتىلدىرىپ، ىسكە قوسۋدى تاپسىرامىن»، – دەپ اتاپ ءوتتى قمدب توراعاسى ناۋرىزباي قاجى تاعان ۇلى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار