پوليتسيا قىزمەتكەرلەرى مال جانە ەت ونىمدەرىن تاسىمالدايتىن اۆتوكولىكتەردى, ولاردى وتكىزۋ ورىندارىن, شارۋا قوجالىقتارىن, مال جايىلىم نۇكتەلەرىن, فەرمالاردى تەكسەرەدى. ۇرلىقتىڭ سەبەبى ماتەريالدىق-جاۋاپتى تۇلعالاردىڭ جانە ازاماتتاردىڭ وزدەرىنىڭ ءوز مالىنىڭ ساقتالۋىنا نەمقۇرايلى قاراۋى بولىپ تابىلادى, بۇل قىلمىسكەرلەرگە وزدەرىنىڭ ز ۇلىمدىعىن جاي جانە كەيدە جازاسىز ويىن اسىرۋعا مۇمكىندىك بەرەدى.
ءىس-شارانىڭ ءبىرىنشى كۇنىندە مۇنايلى جانە قاراقيا اۋداندارىندا 2 قىلمىستىق قۇقىق بۇزۋشىلىق فاكتىسى تىركەلدى. مىسالى, قاراقيا اۋدانىنىڭ جەتىباي اۋىلىندا مال ۇرلىعى ورىن العان. بەلگىسىز اۋىل تۇرعىنىنىڭ 1 باس قويىن ۇرلاپ كەتكەن. جەدەل-ىزدەستىرۋ ءىس-شارالارى بارىسىندا كۇدىكتى انىقتالىپ, ۇستالدى. كىناسىن تولىق مويىندادى.
وسىنداي جاعداي مۇنايلى اۋدانىندا دا بولدى. بەلگىسىز تۇلعا مۇنايلى تۇرعىنىنا تيەسىلى قويىن اۋلاسىنان ۇرلاپ كەتكەن. كەيىن كۇدىكتى پوليتسيا قىزمەتكەرلەرىمەن انىقتالىپ, ۇستالدى. ۇستالعان ازامات ءوز كىناسىن مويىندادى.
اتالعان ەكى فاكتى بويىنشا سوتقا دەيىنگى تەرگەۋ باستالدى.
ماڭعىستاۋ وبلىسى
