قامقورلىققا مۇقتاج جانداردىڭ ءبىرى قۇمكەنت اۋىل وكرۋگىنە قاراستى, قىزىلكول ەلدى مەكەنىنىڭ تۇرعىنى شەگەباي سارىباەۆ جۇپىنى ۇيدە تۇرىپ كەلگەن. اۋدان اكىمدىگى دەمەۋشى تاۋىپ, اۋماعى 120 شارشى مەتر بولاتىن 6 بولمەلى ءۇي الىپ بەرۋگە ۇيىتقى بولدى. اۋدان تۋماسى, شىمكەنت قالاسىندا كاسىبىن دوڭگەلەتىپ جۇرگەن كاسىپكەر ساكەن اشىرمەتوۆ سارىباەۆتار وتباسىنا دەمەۋشىلىك تانىتىپ, قولداۋ كورسەتتى. باسپانالى بولعان شەگەباي سارىباەۆ قاڭتار ايىندا زەينەتكە شىققان. وتباسىندا 6 جان بار. قىزىلكول ەلدى مەكەنىندە ورنالاسقان ءۇي جارىقپەن قامتىلعان, تازا اۋىزسۋ جۇيەسى جۇرگىزىلگەن. ۇزاق جىلدار كەڭشاردا, وندىرىستىك كووپەراتيۆتە جۇمىس ىستەگەن زەينەتكەر يگى ىسكە ۇيتقى بولعان ازاماتتارعا العىسىن ايتىپ, اق باتاسىن بەردى.
تۇركىستان وبلىسى
