الماتىنىڭ ەكولوگيالىق احۋالى قالا تۇرعىندارى مەن مامانداردى كوپتەن الاڭداتىپ كەلە جاتقان ماسەلە. بۇگىندە مەگاپوليستە قورشاعان ورتانى ساۋىقتىرۋعا ارنالعان كەشەندى شارالار قولعا الىنعان.
«ىسكەرلىك كەڭەس جانىنداعى تۇراقتى دامۋ كوميتەتتىڭ ەكولوگيا بويىنشا جۇمىس توبىنىڭ العاشقى وتىرىسىنا قاتىستىم. قالانىڭ ەكولوگيا سالاسىنداعى جەتەكشى ساراپشىلارى, قوعام بەلسەندىلەرى مەن باسقارما باسشىلارى اشىق پىكىرتالاس بارىسىندا پىكىر الماسىپ, قالانىڭ ەكولوگيالىق جاعدايىن ساۋىقتىرۋ ءارى اۋا ساپاسىن جاقسارتۋ بويىنشا قىسقا جانە ۇزاق مەرزىمدى شارالار پاكەتتەرىن ازىرلەۋگە كەلىستى. بۇل – ءبىزدىڭ ورتاق ستراتەگيالىق ماقساتىمىز. بۇدان وزگە «قازاقستاننىڭ ەكولوگيالىق ۇيىمدارىنىڭ قاۋىمداستىعى» زتب باسقارماسىنىڭ ءتورايىمى ايگۇل سولوۆەۆامەن ىنتىماقتاستىق تۋرالى مەموراندۋمعا قول قويدىق. ونىڭ اياسىندا الماتىنى قورشاعان ورتانى ساۋىقتىرۋ بويىنشا كەشەندى شارالار قابىلدانادى» - دەپ جازدى ب.ساعىنتاەۆ.
