تامىزدىڭ 13-ءى كۇنى استانادا بولىپ وتكەن شايبالى حوككەيدەن قازاقستان رەسپۋبليكاسى كۋبوگى جولىنداعى فينالدىق ويىندا رەسەيدىڭ حانتى-مانسيسك قالاسىنىڭ «يۋگرا» كومانداسىن 4:3 ەسەبىمەن ۇتقان جەرگىلىكتى «بارىس» كلۋبى باس بايگەنى جەڭىپ الدى.
تامىزدىڭ 13-ءى كۇنى استانادا بولىپ وتكەن شايبالى حوككەيدەن قازاقستان رەسپۋبليكاسى كۋبوگى جولىنداعى فينالدىق ويىندا رەسەيدىڭ حانتى-مانسيسك قالاسىنىڭ «يۋگرا» كومانداسىن 4:3 ەسەبىمەن ۇتقان جەرگىلىكتى «بارىس» كلۋبى باس بايگەنى جەڭىپ الدى.
كەزدەسۋدىڭ ءبىرىنشى تايمىندا ەسەپ اشقان قوناقتار شابۋىلشىسى ارتەم بۋليانسكيدىڭ گولىنا استانالىق دميتري ۋپپەر جاۋاپ بەردى. ەكىنشى كەزەڭدە رەسەيلىكتەر اندرەي شەفەر مەن ەۆگەني حۆوستوۆتىڭ سالعان شايبالارى ارقاسىندا العا شىعىپ كەتتى. بۇل ارالىقتا بارىستىقتار رومان ستارچەنكونىڭ ناتيجەلى شابۋىلىمەن ءبىر شايبانىڭ قارىمتاسىن قايتارىپ ۇلگەردى.
قوناقتار وسىلايشا ءۇشىنشى كەزەڭدى ءبىر گول ايىرماسىمەن (3:2) باستادى. دەگەنمەن, شەشۋشى ساتتە جيناقى ويىن كورسەتكەن استانالىقتار جاۋاپسىز ەكى شايبا سوعىپ, قورىتىندىدا جەڭىستى قامتاماسىز ەتە ءبىلدى. جەرلەستەرىمىزدەن بۇل گولداردى رومان ستارچەنكو مەن اندرەي گاۆريلين ءوز ەسەپتەرىنە جازدى.
وسىنىڭ الدىندا تۋرنيردەگى ءۇشىنشى ورىن ءۇشىن شايقاس بولىپ, وندا پودولسكىنىڭ «ۆيتياز» كومانداسى حاباروۆسكىنىڭ «امۋرىن» جەڭدى.
دامير قوجامقۇل.
