باتىس قازاقستان وبلىسىنداعى «اقساي ەلەۆاتورى» جشس ديرەكتورى ي.شۋداباەۆ قاماۋعا الىندى. بۇل تۋرالى وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ ءباسپاسوز قىزمەتى حابارلادى.
باتىس قازاقستان وبلىسىنداعى «اقساي ەلەۆاتورى» جشس ديرەكتورى ي.شۋداباەۆ قاماۋعا الىندى. بۇل تۋرالى وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ ءباسپاسوز قىزمەتى حابارلادى.
دەپارتامەنت ءباسپاسوز قىزمەتىنىڭ اقپارى بويىنشا, ي.شۋداباەۆ 2009-2012 جىلدار ارالىعىندا سەرىكتەستىكتە ۋاقىتشا ساقتاۋدا تۇرعان «ازىق-ت ۇلىك كەلىسىمشارت كورپوراتسياسى ۇك» اق-عا تيەسىلى ازىقتىق بيداي داندەرى تۇرىندەگى بيۋدجەتتىك قاراجاتتى قىمقىرعان.
اۋىل شارۋاشىلىعى مينيسترلىگى باتىس قازاقستان ايماقتىق ينسپەكتسياسى ماماندارىن تارتۋ ارقىلى جۇرگىزىلگەن تەكسەرۋ بارىسىندا ەلەۆاتورداعى داندەردى ساقتاۋعا ارنالعان ىدىستار اعاشتان جاسالعان جاساندى بوگەۋلەرمەن جابدىقتالعانى جانە ىدىستار تولىپ تۇرعانداي ەتىپ كورسەتۋ ماقساتىندا اعاشتاردىڭ ۇستىنە از مولشەردە بيداي سالىنىپ قويىلعانى انىقتالدى. جەتپەيتىن ازىقتىق بيدايدىڭ كولەمى جالپى سوماسى 854,1 ملن. تەڭگەدەن استام تۇراتىن 19 مىڭ توننانى قۇرادى. جاسالعان كەلىسىمشارتقا سايكەس ەلەۆاتوردا 47,0 مىڭ توننا كولەمىندەگى بيداي ساقتالۋى ءتيىس ەدى.
كاسىپورىن ديرەكتورى ي.شۋداباەۆ كىناسىن مويىنداپ, «اقساي ەلەۆاتورى» جشس-ءنىڭ جالعىز قۇرىلتايشىسى, مارقۇم س.ۆ.وچكاسوۆتىڭ نۇسقاۋى بويىنشا ونىڭ جانە كاسىپورىننىڭ مۇقتاجى ءۇشىن ارەكەت ەتكەنىن ءمالىمدەدى.
قازىر وسى وقيعاعا بايلانىستى تەرگەۋ امالدارى ءجۇرىپ جاتىر.
سۇلتان بوزايعىر.
