رۋحانيات • 21 اقپان، 2020

الماتىدا مۋزەي قىزمەتكەرلەرىنىڭ بايقاۋى ءوتتى

40 رەتكورسەتىلدى

حالىقارالىق ەكسكۋرسيا جۇرگىزۋشىلەرىنىڭ مەرەكەسىنە وراي ۇيىمداستىرىلعان شاراعا  الماتىنىڭ 7 مۋزەيىنەن ىرىكتەلگەن بىلىكتى ماماندار قاتىستى. ولار ۆيرتۋالدى ەكسكۋرسيا، مەنىڭ سۇيىكتى ەكسپوناتىم جانە تاريح، ونەر، ادەبيەت باعىتتارى بويىنشا باق سىنادى.

«ەكسكۋرسيانى جۇرگىزۋ بارىسىندا كوپتەگەن قاتەلىكتەرگە جول بەرىلەدى. ولار: ارتىق قيمىل-قوزعالىستار مەن پارازيت سوزدەر. مىنە وسىندايلاردان ارىلۋ ءۇشىن بىزدەر ۇنەمى ەسكەرتۋ جاساپ، تەرەڭدەتىلگەن دايىندىقتان وتكىزىپ، ۇدايى دايىندىق جۇمىستارىن جۇرگىزىپ وتىرامىز»، - دەدى «الماتى قالاسى مۋزەيلەر بىرلەستىگى» ديرەكتورىنىڭ ورىنباسارى قايرات تارباەۆ.

ۇيىمداستىرۋشىلاردىڭ ايتۋىنشا، ەكسكۋرسيا جۇرگىزۋشىلەرىنە قويىلار تالاپ كۇشتى. ولار جان-جاقتى، ءتىلى جاتىق، تاريحتان حابارى بولۋى ءتيىس. مىقتى مامان ەڭ قاراپايىم دەگەن جادىگەرگە ءوتىمدى اقپارات بەرە الادى. سوندىقتان مۇنداي شارانىڭ ءوتۋى ەكسكۋرسيا جۇرگىزۋشىلەرىن شىڭداپ، تاجىريبە الماسۋعا مۇمكىندىك بەرەدى دەيدى قاتىسۋشىلار.

سوڭعى جاڭالىقتار

ۇقساس جاڭالىقتار