كوپتىڭ سۇراۋى بويىنشا جاڭا باعىت ىسكە قوسىلدى. №208 باعىتتاعى سۋ جاڭا اۆتوبۋستار ەندى قويانقۇس اۋىلىنان باستاپ, №47 مەكتەپ ارقىلى جولىمبەت, ەسىم حان, پوستىشەۆ پەن بەكماحانوۆ كوشەلەرىنەن «كوكجيەك» ىقشاماۋدانىنا, سولتۇستىك اينالما جولمەن رىسقۇلوۆ پەن بوكەيحانوۆ كوشەلەرىنە جانە رايىمبەك داڭعىلىنداعى ەكىنشى تەمىر جول ۆوكزالىنا دەيىن بارادى. سىيىمدىلىعى 56 جولاۋشىنى قۇرايتىن جاڭا اۆتوبۋستار زاماناۋي تەحنولوگيالارمەن جابدىقتالعان. اربامەن جۇرەتىن جولاۋشىلارعا ارنايى پاندۋس تا قاراستىرىلعان.
سونداي-اق كەز كەلگەن جولاۋشى مۇندا ۋاي-فايعا تەگىن قوسىلىپ, عالامتورعا ەش كەدەرگىسىز كىرە الادى. ودان وزگە, ەگەر ۇيالى تەەلفونىڭىزدىڭ قۋاتى تاۋسىلىپ قالسا, ءبىر مەزەتتە 12 جولاۋشى تەلەفوندارىن قۋاتتاي الادى. جازدىڭ اپتاپ ىستىعىندا مۇندا جەلدەتكىش تە قاراستىرىلعان.
