بعم وكىلى وتكەن اپتادا ستۋدەنتتەرگە كومەك كورسەتۋ ءۇشىن ءتيىستى بۇيرىققا وزگەرىستەر مەن تولىقتىرۋلار ەنگىزۋ تۋرالى شەشىم قابىلدانعانىن اتاپ ءوتتى. شەشىم قابىلدانعاننان كەيىن ەركەبۇلان بورانباەۆ ەلدەگى قىتايدا ءبىلىم الىپ جاتقان حالىقارالىق «بولاشاق» باعدارلاماسىنىڭ ستيپەندياتتارىمەن كەزدەسۋلەر وتكىزىپ, ەرەجەلەردىڭ ءبىلىم الۋشىلاردىڭ پايداسىنا قاراي وزگەرگەندىگىن ءتۇسىندىردى.
«شىنىمەن دە, قازىر كوروناۆيرۋس قاۋپىنەن قىتايدان قازاقستانعا كەلگەن جەتى ستۋدەنت بار. ءبىز ولارمەن تۇراقتى بايلانىستامىز, بىرنەشە كەزدەسۋ وتكىزدىك جانە ءمينيستردىڭ 2012 جىلعى 13 ساۋىردەگى № 163 بۇيرىعىنا وزگەرىستەر مەن تولىقتىرۋلار ەنگىزىلەتىندىگىن تۇسىندىردىك. جوو-دان وقۋ پروتسەسىن باستاۋ نەمەسە جالعاستىرۋ تۋرالى رەسمي حابارلاما العاننان كەيىن وقۋ ەلىنە قايتاتىن اۆيابيلەتتەردى ساتىپ الۋ جوسپارلانۋدا. فورس-ماجورلىق جاعدايلار تۋىنداعان جاعدايدا ستيپەنديا تولىق كولەمدە تولەنەدى دەگەن شەشىم ءبىر اپتا بۇرىن قابىلداندى», - دەدى ەركەبۇلان بورانباەۆ.
دۇلەي اپاتتار, اسكەري ارەكەتتەر, شەكتەمەلەر, ەپيدەميا جانە باسقا دا توتەنشە جاعدايلار ەڭسەرىلمەيتىن كۇش جاعدايلارى بولىپ تابىلاتىندىعىن ايتا كەتكەن ءجون.
