سونىمەن قاتار وتكىزۋ ماقساتىنسىز ەسىرتكىنى زاڭسىز ساقتاۋمەن بايلانىستى 50 قىلمىستىق ءىس انىقتالدى.
زاڭسىز اينالىمنان 5 كگ جۋىق ءتۇرلى ەسىرتكى زاتتارى, ونىڭ ىشىندە ماريحۋانا, گەروين جانە سينتەتيكالىق «مەفەدرون» ەسىرتكىسى تاركىلەندى.
پروفيلاكتيكالىق جۇمىس شەڭبەرىندە 15 ءىس-شارا وتكىزىلدى, سونىڭ ىشىندە سەمينارلار, دارىستەر, كەزدەسۋلەر جانە اتا-انالار جينالىستارى, ەسىرتكىگە قارسى سيپاتتاعى بەينەروليكتەر كورسەتىلدى.
ماڭعىستاۋ وبلىستىق پد جەرگىلىكتى پوليتسيا قىزمەتى باسقارماسىمەن بىرلەسە وتىرىپ, اقتاۋ قالاسىنىڭ قوعامدىق ورىندارىندا 8 گراففيتي جازۋلار, سونداي-اق ەسىرتكى قۇرالدارىن جانە ولاردىڭ انالوگتارىن جارنامالاۋمەن جانە ساتۋمەن اينالىساتىن 24 ينتەرنەت سايت انىقتالىپ, جويىلدى.
بيىل قاڭتار ايىندا وبلىستىق پد ەققىق قىزمەتكەرلەرى جەدە-ىزدەستىرۋ ءىس-شارالارىن جۇرگىزۋ بارىسىندا مۇنايلى اۋدانىنىڭ اۋماعىندا اتامەكەن اۋىلىندا 1974 جىلى تۋعان «ب» ەسىمدى ازامات قۇرىقتالدى. ونىڭ تۇراتىن مەكەن-جايى بويىنشا ءۇي مەن ۋچاسكەنى ءتىنتۋ كەزىندە 2 كيلوگراممنان استام «ماريحۋانا» ەسىرتكى زاتى بار التى پاكەت تابىلىپ, تاركىلەندى.
اتالعان فاكتى بويىنشا قك-ءنىڭ «اسا ءىرى كولەمدە ەسىرتكى قۇرالدارىن زاڭسىز ساتىپ الۋ جانە ساقتاۋ» بابى بويىنشا سوتقا دەيىنگى تەرگەۋ باستالدى.
