بۇگىن اۋدان باسشىسى اپپارات قۇرامىنا اكىمنىڭ جاڭادان تاعايىندالعان ورىنباسارىن تانىستىرىپ, الداعى اتقارار قىزمەتىنە تابىس تىلەدى. سونداي-اق, ورىنتاعىنا جايعاستىرىپ, بىرنەشە مىندەتتەردى جۇكتەدى.
م.ەردەشوۆ 1957 جىلى وڭتۇستىك قازاقستان وبلىسى ماقتاارال اۋدانىندا دۇنيەگە كەلگەن. قازاقتىڭ ەڭبەك قىزىل تۋ وردەندى اۋىل شارۋاشىلىق ينستيتۋتىن اگرونوميا ماماندىعى بويىنشا تامامداعان.
ەڭبەك جولىن 1974 جىلى ماقتاارال اۋدانى "نوۆىي پۋت" سوۆحوزىندا جۇمىسشى بولىپ باستاعان. جوعارى وقۋ ورنىن اياقتاپ كەلگەننەن سوڭ بىرنەشە مەكەمەنىڭ اعا اگرونومى, بيولاباراتوريانىڭ مەڭگەرۋشىسى بولىپ جۇمىس ىستەگەن.
1984 جىلى "نوۆىي پۋت" سوۆحوزىندا اگرونوم ەنتومولوگ, 1989 جىلى ءدال وسى سوۆحوزدا ديرەكتوردىڭ ورىنباسارى قىزمەتتەرىن اتقارعان. سونداي-اق, 1991 جىلى جەتىساي اۋداندىق كومپارتياسىندا دايىنداۋشى, 1993 جىلى "قۋات" فيرماسىندا باس مامان بولىپ جۇمىس ىستەدى. مۇنان سوڭ 1999 جىلى ماقتاارال اۋدانىنىڭ اۋماقتىق باسقارماسىندا مەملەكەتتىك فيتوسانيتارلىق ينسپەكتور, 2001 جىلى كارانتيندى وسىمدىكتەر بويىنشا باس مامان – ينسپەكتور لاۋازىمدارىندا ەڭبەك ەتتى.
2007 جىلى ماقتاارال اۋىلدىق وكرۋگى اكىمى اپپاراتىندا باس مامان - جەر ينسپەكتورى, كەيىننەن جاڭاجول اۋىلدىق وكرۋگى اكىمى اپپاراتىندا باس مامان - جەر ينسپەكتورى لاۋازىمدارىندا قىزمەت اتقاردى. 2010 جىلى شىمكەنت قالاسىنداعى "اگريتەح" جشس-دە جەتەكشى مامان, 2013 جىلى "Precision" جشس-ءنىڭ ديرەكتورى بولىپ ەڭبەك جولىن جالعاستىرعان.
2017 جىلدان باستاپ مىرزاكەنت كەنتى اكىمىنىڭ ۋاقىتشا مىندەتىن اتقارۋشى, كەيىننەن مىرزاكەنت كەنتىنىڭ اكىمى مەملەكەتتىك اكىمشىلىك لاۋازىمدارىندا بەلسەندى جۇمىس اتقاردى. قازىرگى قىزمەتىنە تاعايىندالعانعا دەيىن جاڭاجول اۋىلدىق وكرۋگى اكىمىنىڭ ورىنباسارى بولىپ قىزمەت ەتتى.
