سونىمەن قاتار ەلىمىزدىڭ «قىزىل كىتابىنا» ەنگىزىلگەن وسىمدىكتەر مەن جانۋارلاردى جانە بيورەسۋرستاردى قورعاۋ ءۇشىن قۇرىلعان ەرەكشە قورعالاتىن تابيعي اۋماقتاردىڭ 10 ۋچاسكەسى بار. ەرەكشە قورعالاتىن تابيعي اۋماقتىڭ جالپى اۋدانى 4,0 ميلليون گەكتاردان اسادى.
جالپى, ءوڭىردىڭ ەرەكشە قورعالاتىن تابيعي اۋماعىندا قۇلان, ارقار, دۋاداق, قوڭىر ايۋ, سىلەۋسىن, قار بارىسى جانە تاعى دا باسقا 17 ءتۇرلى اڭدار مەن قۇستار مەكەن ەتەدى. سونداي-اق, بۇل اۋماقتاردا بەرقارا تەرەك, قىزعالداق, سيۆەرس الماسى جانە باسقا دا وسىمدىك تۇرلەرى وسەدى. «قىزىل كىتاپقا» ەنگىزىلگەن جانۋارلار مەن وسىمدىكتەر مەملەكەتتىڭ قورعاۋىندا.
الايدا جامبىل وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى باسشىسىنىڭ ورىنباسارى تالعات توعىزباەۆتىڭ ايتۋىنشا, وتكەن جىلى «قىزىل كىتاپقا» ەنگىزىلگەن وسىمدىكتەر مەن جانۋارلارعا بايلانىستى زاڭسىزدىققا جول بەرىلمەگەنمەن, اڭ اۋلاۋ, بالىق اۋلاۋ سياقتى 34 ءتارتىپ بۇزۋشىلىق انىقتالعان. ء«تارتىپ بۇزۋشىلارعا 1247,1 مىڭ تەڭگە اكىمشىلىك ايىپپۇل سالىندى. اتالعان ينسپەكتسيا تابيعات قورعاۋ زاڭناماسىنىڭ ساقتالۋىنا 69 تەكسەرۋ جۇرگىزىپ, تەكسەرۋ ناتيجەلەرى بويىنشا مەكەمە باسشىلارىنا انىقتالعان كەمشىلىكتەردى جويۋ ءۇشىن 15 مىندەتتى نۇسقاما بەرىلدى. تەكسەرۋ مەكەمەلەرىنىڭ باسشىلارىنا ورمان زاڭناماسىن بۇزۋعا جول بەرگەن لاۋازىمدى تۇلعالاردى جاۋاپكەرشىلىككە تارتۋ تۋرالى 9 ۇسىنىس ەنگىزىلدى», دەيدى ول.
سونىمەن قاتار تارتىپتىك جاۋاپكەرشىلىككە 21 لاۋازىمدى تۇلعا تارتىلعان. ونىڭ ىشىندە 5 ورمان شارۋاشىلىعى مەكەمەلەرىنىڭ باسشىلارى مەن 2 ورىنباسار لاۋازىمىنداعى تۇلعالار بار.
جامبىل وبلىسى
