سانالى عۇمىرىن قوعامدىق ءتارتىپ ساقشىسى قىزمەتىنە ارناعان ۆ.گۋنگەر دەگەن پەتروپاۆلدىق 1994 جىلى زەينەتكە شىعىسىمەن «شۋ, قاراقۇيرىق!» دەپ اتاقونىسى گەرمانياعا تارتادى. الايدا, ەۋروپانىڭ تورىنەن ويىپ تۇرىپ ورىن العانىمەن, مۇندا كوپ تۇراقتاي المايدى. اتتىڭ باسىن رەسەيگە بۇرىپ, وسى ەلدىڭ تۇرعىنىنا اينالادى.
سويتسە, ونىڭ قۋ تۇلكى قۇساپ بۇلايشا ءىز جاسىرۋىنىڭ سىرى ەندى ءمالىم بولىپ وتىر. پروكۋراتۋرا وكىلدەرى شەكارا قىزمەتى ورگاندارىمەن دەرەكتەردى سالىستىرۋ بارىسىندا ونىڭ ءۇش مەملەكەتتىڭ ازاماتتىعىن يەلەنۋمەن قاتار 4 ميلليون تەڭگە زەينەتاقىنى زاڭسىز الىپ كەلگەنىن اشكەرەلەپ بەردى. قازىر كۇدىكتىدەن ەشقايدا شىقپاۋ جونىندە قولحات الىنىپ, پەتروپاۆل قالاسىنداعى پاتەرىن پايدالانۋعا تىيىم سالىندى.
ونىڭ زاڭ ءتارتىبىن بىلە تۇرا, قىلمىستىق ارەكەتتەرگە سانالى تۇردە بارۋىنىڭ ارعى جاعىندا قازاقستاننىڭ قاراجاتىن س ۇلىكشە سورا بەرەيىن دەگەن قيتۇرقى نيەت جاتسا كەرەك. قىلمىستىق ارەكەتتەرىن ىندەتىپ قازسا, ەۋرو جانە رۋبل تۇرىندەگى زەينەتاقىلاردىڭ جاپالاقشا جارباڭ ەتىپ شىعا كەلۋى عاجاپ ەمەس.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى.
