الەم • 20 اقپان، 2020

وزبەكستان پرەزيدەنتى تۇركيا رەسپۋبليكاسىنا رەسمي ساپارمەن باردى

35 رەتكورسەتىلدى

كەشە وزبەكستان پرەزيدەنتى شاۆكات ميرزيوەۆ تۇركيا رەسپۋبليكاسىنا رەسمي ساپارمەن باردى. بۇل تۋرالى وزبەكستان مەملەكەت باسشىسىنىڭ ءباسپاسوز قىزمەتى حابارلادى.

تۇركيا استاناسى انكاراعا كەلگەن وزبەكستان پرەزيدەنتىن رەدجەپ تايىپ ەردوگان پرەزيدەنت سارايىندا قارسى الدى. وزبەك ەلى باسشىسىنىڭ ساپارى 20 اقپانعا دەيىن جالعاسادى.

ەكى ەلدىڭ كوشباسشىلارى تۇركيا-وزبەكستان جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ ءبىرىنشى وتىرىسىنا قاتىسادى. پرەزيدەنتتەر ساياسي، ساۋدا-ەكونوميكالىق، ينۆەستيتسيالىق، قارجىلىق، كولىك-كوممۋنيكاتسيالىق، ءبىلىم بەرۋ، مادەني-گۋمانيتارلىق سالالارداعى ءوزارا ءىس-قيمىلدى كەڭەيتۋ ماسەلەلەرىن تالقىلايدى.

سونداي-اق ميرزيوەۆتىڭ تۇركيانىڭ كاسىپكەرلىك ورتا وكىلدەرىمەن كەزدەسۋى جانە تۇركيا پرەزيدەنتى اكىمشىلىگى جانىنداعى ۇلتتىق كىتاپحانانىڭ سالتاناتتى اشىلۋ راسىمىنە قاتىسۋ جوسپارلانعان.

شاۆكات ميرزيوەۆتىڭ تۇركياعا بۇعان دەيىنگى ساپارى 2017 جىلدىڭ قازان ايىنىڭ سوڭىندا، ال رەدجەپ ەردوعان وزبەكستان رەسپۋبليكاسىنا 2018 جىلدىڭ ساۋىرىندە بولعان ەدى.

ايتا كەتۋ كەرەك، وزبەكستان رەسپۋبليكاسى 2019 جىلى 15 قازاندا باكۋدە وتكەن تۇركى كەڭەسىنىڭ 7-سامميتىندە اتالعان ۇيىمنىڭ تولىققاندى مۇشەسى بولدى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار