ۇكىمەت • 19 اقپان، 2020

2020-2022 جىلدارى قازاقستاندا جاس عالىمداردى گرانتتىق قارجىلاندىرۋعا 9 ملرد تەڭگە بولىنەدى

57 رەتكورسەتىلدى

پرەمەر-مينيستر اسقار ءماميننىڭ توراعالىعىمەن قازاقستان رەسپۋبليكاسىنىڭ ۇكىمەتىنىڭ جانىنداعى جوعارعى عىلىمي-تەحنيكالىق كوميسسيا (جعتك) وتىرىسى ءوتتى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

عىلىمدى دامىتۋداعى باسىمدىقتى باعىتتار مەن 2020-2022 جىلدارى جاس عالىمداردىڭ عىلىمي زەرتتەۋلەرىن گرانتتىق قارجىلاندىرۋ كولەمىن ءبولۋ تۋرالى قازاقستان رەسپۋبليكاسىنىڭ ءبىلىم جانە عىلىم ءمينيسترى ا. ايماعامبەتوۆ، اتوم ەنەرگەتيكاسى سالاسىنداعى تەحنولوگيالىق سيپاتتاعى قولدانبالى عىلىمي زەرتتەۋلەر تۋرالى قازاقستان رەسپۋبليكاسىنىڭ ەنەرگەتيكا ءمينيسترى ن. نوعاەۆ باياندادى. 

2020-2022 جىلدارى جاس عالىمداردىڭ عىلىمي زەرتتەۋلەرىن گرانتتىق قارجىلاندىرۋدىڭ جالپى كولەمى 9 ملرد تەڭگەنى قۇرايتىن بولادى (جىل سايىن 3 ملرد تەڭگەدەن). 

قازىرگى كەزدە مەملەكەتتىك عىلىمي-تەحنيكالىق جانە ەكونوميكالىق ساراپتامالار ناتيجەسى بويىنشا ۇلتتىق عىلىمي كەڭەستەر كەلەسى 7 باسىمدىقتى باعىت بويىنشا جاس عالىمداردىڭ 1013 ءوتىنىمىن ىرىكتەپ الدى: 

  • ەنەرگەتيكا جانە ماشينا جاساۋ (102);

  • تابيعي رەسۋرستاردى، ونىڭ ىشىندە سۋ رەسۋرستارىن، گەولوگيانى، قايتا وڭدەۋدى، جاڭا ماتەريالدار مەن تەحنولوگيالاردى، قاۋىپسىز بۇيىمدار مەن كونسترۋكتسيالاردى ۇتىمدى پايدالانۋ (313);

  • جاراتىلىستانۋ عىلىمدارى سالاسىنداعى عىلىمي زەرتتەۋلەر، اقپاراتتىق، تەلەكوممۋنيكاتسيالىق جانە عارىشتىق تەحنولوگيالار (167);

  • اگروونەركاسىپتىك كەشەندى تۇراقتى دامىتۋ جانە اۋىل شارۋاشىلىعى ونمدەرىنىڭ قاۋىپسىزدىگى (139);

  • ءومىر جانە دەنساۋلىق تۋرالى عىلىم (127);

  • «ماڭگىلىك ەل» عىلىمي نەگىزدەرى (XXI عاسىر ءبىلىمى، گۋمانيتارلىق عىلىمدار سالاسىنداعى ىرگەلى جانە قولدانبالى زەرتتەۋلەر، 155);

  • ۇلتتىق قاۋىپسىزدىك جانە قورعانىس (10).

جعتك «جاراتىلىستانۋ عىلىمدارى سالاسىنداعى عىلىمي زەرتتەۋلەردى» جەكە باسىم باعىت رەتىندە ءبولۋدى بەكىتتى، بۇل قازاقستاننىڭ قازىرگى عىلىمي مەكتەپتەرىن ودان ءارى نىعايتۋ مەن دامىتۋعا، وسى سالاداعى عالىمداردىڭ جاڭا بۋىنىن قالىپتاستىرۋعا ىقپال ەتۋگە باعىتتالعان.

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار