مەديتسينا • 19 اقپان، 2020

قولدانىستاعى زاڭ بويىنشا مايىتتىك دونورلىق ءۇشىن تۋىستارىنىڭ رۇقساتىن الۋ مىندەت ەمەس – مامان

70 رەتكورسەتىلدى

«قازاقستان» تەلەارناسىنداعى «اشىق الاڭ» باعدارلاماسىندا تىكەلەي ەفيردە ماجىلىستە قاراستىرىلىپ جاتقان دەنساۋلىق كودەكسىنىڭ جاڭا جوباسى تالقىلاندى.

تىكەلەي ەفير بارىسىندا باعدارلاماعا قاتىسقان ترانسپلانتتاۋدى ۇيلەستىرۋ جونىندەگى رەسپۋبليكالىق ورتالىعى ديرەكتورىنىڭ مىندەتىن اتقارۋشى ءادىل جۇماعاليەۆ تىكەلەي ەفيردە قازىر قىزۋ تالقىعا تۇسكەن دونورلىق تۋرالى ءتۇسىندىردى.
«ون جىلدام استى، 2009 جىلدان بەرى ءبىزدىڭ ارىپتەستەرىمىز ءبىرىنشى كودەكسكە ساي جۇمىس ىستەپ جاتىر. قازىر قوعامدا كەڭ تالقىلانعان مايىتتىك دونورلىققا قاتىستى باپ جاڭا نورما ەمەس. كەلىسىم پرەزۋمپتسياسى 2009 جىلى ەنگىزىلگەن. ءبىز ترانسپلانتتاۋ بويىنشا قازىرگى تاڭدا الەمدە كوش باستاپ تۇرعان يسپاندىق مودەلمەن جۇمىس ىستەپ جاتىرمىز»، - دەدى ءادىل جۇماعاليەۆ.
ونىڭ ايتۋىنشا، وسى كۇنگە دەيىن ورتالىق دارىگەرلەرى 95 مايىتتىك دونور انىقتاپ، ارقايسىسىندا تۋىستارىنان رۇقسات العان.
«دارىگەرلەر وزدەرى ءمايىتتىڭ تۋىستارىنان رۇقسات الىپ ءجۇردى. دەگەنمەن، ءبىرىنشى كودەكستە ءدال وسى جەر كورسەتىلمەگەن. ياعني، قولدانىستاعى كودەكستە تۋىستارىنىڭ رۇقساتىن الۋ تۋرالى ايتىلماعان. ال قازىر ەنگىزىلگەن وزگەرىسكە ساي، جاڭا كودەكس بويىنشا اي ادام قايتىس بولعان سوڭ ونىڭ ءتىرى كەزىندە دونورلىققا كەلىسكەن نەمەسە باس تارتقانى تۋرالى ەشقانداي اقپارات جوق بولسا، تۋىستارىنان رۇقسات سۇرايمىز»، - دەدى ول.
ال باعدارلاماعا قاتىسقان قوعام قايراتكەرى مۇرات ابەنوۆ وسى كۇنگە دەيىن ادام دونورلىققا قارسى بولا العانىمەن، ونى تىركەيتىن جەردىڭ، رەسمي مالىمدەيتىن ورىننىڭ بولماعانىن ايتتى.
«سوندا مەن بارىپ دونورلىققا اعزانى بەرۋگە قارسىمىن دەپ ايتايىن دەسەم، باراتىن جەر جوق. ياعني، مەن قارسى بولماسام، وندا اۆتوماتتى تۇردە كەلىسىم بەرگەن بولىپ سانالامىن»، دەپ نارازىلىق ءبىلدىردى.
ايتا كەتۋ كەرەك، بۇگىنگى تاڭدا الەم بويىنشا ءبىر ميلليون ادام دونورلارعا مۇقتاج بولىپ وتىر.

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار