بۇل تۋرالى «اشىق الاڭ» باعدارلاماسىنىڭ تىكەلەي ەفيرىندە دەنساۋلىق ساقتاۋ مينيسترلىگىنىڭ زاڭ دەپارتامەنتى ديرەكتورىنىڭ ورىنباسارى دىنمۇحامەد قىلىشپاەۆ ايتتى.
ونىڭ ايتۋىنشا, قازىر ماجىلىستە قاراستىرىلىپ جاتقان دەنساۋلىق كودەكسىنىڭ جوباسى وسى قۇجاتتىڭ ورنىن باساتىن جاڭا كودەكس بولادى.
«2009 جىلعا دەيىن دەنساۋلىق ساقتاۋ سالاسىن 11 زاڭ رەتتەگەن. 2009 جىلى دەنساۋلىق كودەكسى قابىلدانعاننان كەيىن بۇل زاڭدار كۇشىن جويدى. بۇل كودەكسكە وسى ۋاقىتقا دەيىن سەكسەننەن استام وزگەرىستەر مەن تولىقتىرۋلار ەنگىزىلگەن. ال قازىرگى قاراستىرىلىپ جاتقان زاڭ جوباسى – جاڭا قۇجات», دەدى ول.
