iKOMEK ورتالىعى قوعامدىق دەنساۋلىق ساقتاۋ باسقارماسىمەن جانە مەديتسينالىق مەكەمەلەرمەن بىرلەسىپ, ازاماتتاردىڭ وتىنىشتەرىنە اناعۇرلىم ساپالى دەن قويۋ ءۇشىن بەلسەندى جۇمىس جۇرگىزۋدە. 2019 جىلدىڭ قازانىنان باستاپ «iKOMEK109» ءموبيلدى قوسىمشاسىنىڭ كومەگىمەن قالانىڭ باس دارىگەرلەرىنىڭ جۇمىسىنا مونيتورينگ جۇرگىزىلەدى.
«وتكەن جىلدىڭ قازان ايىنان باستاپ باس دارىگەرلەر ازاماتتاردىڭ وتىنىشتەرىنە مونيتورينگ جۇرگىزىپ, وعان وزدەرى جاۋاپ بەرەدى. 2019 جىلدىڭ قورىتىندىسى بويىنشا وڭ قارقىن بايقالادى. ءبىز ەلەۋلى ناتيجەلەردى بايقاپ, ەلوردا تۇرعىندارىنان كوبىرەك العىس الا باستادىق. الايدا مۇنىمەن توقتاپ قالۋعا بولمايدى, ارى قاراي دا بىرلەسىپ بەلسەندى جۇمىس اتقارۋ قاجەت», دەدى iKOMEK109 قالالىق مونيتورينگ ورتالىعى باسشىسىنىڭ ورىنباسارى دينا تەمىرعاليەۆا.
سونىمەن قاتار جيىن اياسىندا ازاماتتاردان كەلىپ تۇسەتىن وتىنىشتەر قارالدى. iKOMEK109 ورتالىعىنىڭ اقپاراتى بويىنشا اعىمداعى جىلدىڭ باسىنان بەرى دەنساۋلىق ساقتاۋ ماسەلەلەرى بويىنشا 44 194 ءوتىنىش كەلىپ ءتۇستى. ونىڭ ىشىندە 43 417 – كونسۋلتاتسيا بويىنشا, 777 – شاعىم مەن جاعدايات, 156 – العىس.
ودان بولەك, قوعامدىق دەنساۋلىق ساقتاۋ باسقارماسىنىڭ KPI-ينديكاتورلارى تالقىلاندى. «iKOMEK» جۇيەسىندەگى ازاماتتاردىڭ ءاربىر ءوتىنىشىن ساپالى ءارى ۋاقىتىلى اتقارۋ قاجەتتىگى اتاپ ءوتىلدى.
