ءىس-شارا سپورتتىڭ 8 ءتۇرى بويىنشا ۇيىمداستىرىلادى: شاڭعى جارىسى, گىر تاسىن كوتەرۋ, قول كۇرەسى, شايبالى حوككەي, بەلبەۋ كۇرەسى, قىسقى شاعىن فۋتبول, ارقان تارتىس جانە موتوسپورت.
ۇيىمداستىرۋشىلاردىڭ ايتۋىنشا, ءار توپتاعى جەڭىمپازدار ديستانتسيانى باعىندىرۋعا جۇمسالعان ەڭ از ۋاقىت بويىنشا انىقتالادى.
جارىس ناتيجەسى بويىنشا 1, 2, 3-ورىن العان جۇلدەگەرلەر ديپلوم, مەدال جانە باعالى سىيلىقتارمەن ماراپاتتالادى. جارىسقا قاتىسۋعا دەنساۋلىعى بويىنشا قارسى كورسەتىلىمدەرى جوق بارلىق ادامدار جىبەرىلەدى. تىركەۋدەن ءوتۋ كەزىندە جەكە باسىن كۋالاندىراتىن قۇجات قاجەت.
سونىمەن قاتار جارىسقا قاتىسۋشىلاردىڭ جەكە سپورتتىق قۇرال-جابدىقتارى بولۋى ءتيىس. بولماعان جاعدايدا اۋماقتا شاڭعىلاردى جالعا بەرۋ ورىندارى جۇمىس ىستەيدى, بىراق ولاردىڭ سانى شەكتەۋلى. فەستيۆال ساعات 11:00-دە شاڭعى تراسساسىندا (Astana Park Hotel) باستالادى.
