جولدارداعى قۇرىلىس, جوندەۋ جۇمىستارىنىڭ بارىسى مەن جولدىڭ ساپاسىن قازاقستاننىڭ ءاربىر تۇرعىنى باقىلاي الادى. ارنايى ازىرلەنگەن ءموبيلدى قوسىمشادا تىركەلە وتىرىپ, پايدالانۋشىلار فوتوماتەريالداردى, اۆتوموبيل جولدارى سالاسىنداعى جوبالاردىڭ ساپالى ىسكە اسپاۋىنا قاتىستى اقپاراتتى, اقاۋ ورىندارىن جىبەرە الاتىن بولادى. ۇلتتىق جول اكتيۆتەرى ساپاسى ورتالىعىنىڭ سايتىندا جيناقتالعان اقپارات ورتالىقتىڭ وڭىرلىك بولىمدەرى مەن جەرگىلىكتى اتقارۋ ورگاندارىنا ولقىلىقتاردىڭ جويىلۋى ءۇشىن جولدانادى. «ازاماتتىق باقىلاۋ» قوسىمشاسى ارقىلى ماتەريال جولداعان پايدالانۋشىنىڭ جەكە كابينەتىنە تۇسىرىلگەن ارىزدىڭ جاعدايى تۋرالى حابارلاما جانە ولقىلىقتىڭ جويىلعاندىعىن دالەلدەيتىن فوتوەسەپ كەلەدى.
قوسىمشانى ازىرلەۋشىلەردىڭ ايتۋىنا قاراعاندا, مالىمەتتەر كەستە تۇرىندە جينالماق. وندا ەلدىڭ بەلگىلى ءبىر ءوڭىرى بەلگىلەنىپ, ماسەلەنىڭ ورىندالۋ جاعدايى كورسەتىلەدى. بۇدان كەيىن اقپارات اۆتوماتتى رەجيمدە قازاقستان كارتاسىندا بەلگىلەنەدى. وسىلايشا, ەلدىڭ ءار وڭىرىندەگى جاعداي باقىلاۋعا الىنباق. قوسىمشانى وسى جىلدىڭ ناۋرىزىنان باستاپ Android جانە iOS پلاتفورمالارىندا تەگىن جۇكتەۋگە بولادى.
سونداي-اق بيىل ەلىمىزدە «جول اكتيۆتەرىن باسقارۋ جۇيەسى» اتتى باسقا قوسىمشا ىسكە قوسىلادى دەپ كۇتىلۋدە. قوسىمشادا جولداردىڭ جاعدايى تۋرالى مالىمەتتەر مەن جول بويىندا كورسەتىلەتىن قىزمەتتەردىڭ ءتىزىمى پايدالانۋشىلار ءۇشىن قولجەتىمدى بولماق.
