«مەن الماتى كاسىپكەرلەر قاۋىمداستىعىنىڭ اتىنان كەلدىم. قالانىڭ كەز-كەلگەن تۇرعىنى سياقتى ءبىزدىڭ ەكولوگيا مەنى دە قاتتى الاڭداتادى. جىلىتۋ ماۋسىمى باستالعان كەزدە مەنىڭ بالالارىم اۋىرادى. سوندىقتان مەن مەدەۋ اۋدانىنداعى 50 وتباسىنا ءوز ەسەبىمنەن گاز قوسىپ بەرۋگە دايىنمىن», دەدى ول.
سونىمەن قاتار ول باسقا كاسىپكەرلەر مەن قالالىق ۇيىمداردى ونىڭ باستاماسىن قولداۋعا جانە بۇرىن گازعا قوسىلماعان ۇيلەردى گازداندىرۋعا كومەكتەسۋگە شاقىردى.
«مەن كاسىپكەر دوستارىمدى جانە قالاداعى بارلىق كومپانيالار مەنىڭ وسى چەللەندجىمدى قولداسا ەكەن دەپ ويلايمىن. اسىرەسە, دۋمان ىقشاماۋدانىنداعى وتباسىلاردىڭ 300 مىڭ تەڭگەگە گازعا قوسىلۋعا شامالارى جەتپەيدى. بىزدەر, كاسىپكەرلەر ءۇشىن بۇل تۇك ەمەس. ال ولاردىڭ بۇكىل وتباسىنىڭ تابىسى 300 مىڭ تەڭگە. بۇل وتباسىلار وسى اقشانى بىرنەشە جىل قايتاراتىن بولادى. ەگەر بارلىق كاسىپكەرلەر قولداۋ كورسەتسە, ءبىز قالامىزدى تەزىرەك تازالايمىز», دەپ تولىقتىردى ءسوزىن ول.
ايتا كەتۋ كەرەك, الماتىدا 2019 جىلدىڭ ەكىنشى جارتىجىلدىعىندا 3 مىڭنان استام جەكە ءۇي گازعا قوسىلدى. اعىمداعى جىلى از قامتىلعان 210 وتباسىنا تەگىن گاز جۇرگىزىلەدى.
