بىردەن ايتا كەتەيىك, قازىرگى كەزدە الەمنىڭ ءار قيىرىندا عالامدىق دودانىڭ ليتسەنزيالىق تۋرنيرلەرى ۇزدىكسىز ءوتىپ جاتىر. كاراتەشىلەردى الدا ءالى بىرنەشە ءدۇبىرلى دودالار كۇتىپ تۇر. سوعان قاراماستان 67 كيلو سالماق دارەجەسىندە ونەر كورسەتىپ جۇرگەن دارحان ءاسادىلوۆ كوزدەگەن ماقساتىنا كۇنى بۇرىن قول جەتكىزدى. ويتكەنى, ول ءوزى قاتىسقان جارىستاردا جاسىنداي جارقىراپ, قوماقتى تابىستارعا قول جەتكىزدى. ماسەلەن, بىلتىر پرەمەر-ليگادا 11 جەكپە-جەك وتكىزىپ, سونىڭ سەگىزىندە جەڭىسكە جەتتى.
بيىل دا قانداسىمىز ءوز شابىسىنان جاڭىلعان جوق. كۇنى كەشە عانا ءاسادىلوۆتىڭ بىرىككەن اراب امىرلىگىندە وتكەن اسا ءىرى حالىقارالىق تۋرنيردە كۇمىس مەدالدى يەلەنۋى جوعارىداعى ءسوزىمىزدىڭ دالەلى. وسى كورسەتكىشتەرىنىڭ اراقاسىندا ءوز سالماق دارەجەسى بويىنشا دارحان الەمدىك رەيتينگتە كوش باستاپ تۇر.
وليمپيا ويىندارى تاريحىندا كاراتەدەن جارىس تۇڭعىش رەت وتكەلى وتىر. ياعني, سپورتتىڭ بۇل ءتۇرىنىڭ تۇساۋى توكيودا كەسىلەدى. سول سەبەپتى دە قازاق جىگىتىنىڭ بۇل تابىسىن تاريحي ءسات دەپ باعالاعان ءجون.
