ايماقتار • 19 اقپان، 2020

مەكتەپ ءبىتىرۋشى تۇلەكتەر جول قۇرىلىسى سالاسىمەن تانىستى

63 رەتكورسەتىلدى

2020 جىلعا ارنالعان مەكتەپتەر مەن كوللەدجدەردە كاسىبي باعدار بەرۋ جۇمىستارىنىڭ ءىس-شارالار جوسپارىنا سايكەس، «ۇلتتىق جول اكتيۆتەرى ساپاسى ورتالىعى» رمك شىمكەنت قالاسى بويىنشا فيليالى ماماندارى شىمكەنت قالاسىنداعى م.ح.دۋلاتي اتىنداعى №8 مەكتەپ گيمنازياسىندا ءبىتىرۋشى تۇلەكتەر ياعني 11 سىنىپ وقۋشىلارىنا كاسىبي باعدار بەرۋ جۇمىسىن  جۇرگىزدى.

ءىس-شارا ماقساتى قوعامنىڭ قاجەتتىلىگىنە قاراي ءاربىر وقۋشىنىڭ قابىلەتتىلىگى مەن بەيىمدىلىگىن ەسكەرە وتىرىپ، كاسىپكە قىزىعۋشىلىعىن قالىپتاستىرۋعا جانە بولاشاق ماماندىعىن سانالى تۇردە تاڭداۋعا كومەكتەسۋ. كاسىپتىك باعدار بەرۋ جۇمىسى جاس ۇرپاقتىڭ سانالى تۇردە بولاشاق ماماندىعىن قاتەلەسپەي تاڭداۋ مۇمكىندىگىن ءتۇسىندىرۋ بولىپ تابىلادى.       

قازاقستاندا اۆتوموبيل جولدارى قۇرىلىسى قارقىنمەن دامۋدا. بۇل ەڭ الدىمەن «باتىس ەۋروپا – باتىس قىتاي» حالىقارالىق ءدالىزىنىڭ قازاقستان شەكاراسى ارقىلى وتۋىمەن، حالىقارالىق قاتىناستىڭ دامۋىمەن جانە جۇك تاسىمالىنىڭ ارتۋىمەن بايلانىستى.

بۇل ءوز كەزەگىندە جوعارى بىلىكتى مامانداردىڭ تاپشىلىعىن تۋىنداتۋدا. سول سەبەپتەن شەت ەل ماماندارىن جۇمىسقا تارتۋ سۇرانىسىن ازايتىپ، ءوز ەلىمىزدىڭ ازاماتتارىن پاتريوتتىق رۋحتى كوتەرۋگە، ەلىمىزدىڭ تۇتقاسىن سەنىپ تاپسىراتىن بىلىكتى مامان يەسى اتانۋعا شاقىرۋ.

فيليال تاراپىنان ماماندار مەكتەپ تۇلەكتەرىن ءوز ەلىمىزدىڭ جول سالاسىن، جول ينفراقۇرىلىمىن دامىتۋعا ۇلەس قوسىپ، ات سالىسۋعا شاقىردى. سونداي-اق، ءبىتىرۋشى تۇلەكتەرگە بولاشاق ماماندىق تاڭداۋدا ۇكەن سۇرانىسقا يە «قۇرىلىس»، «جولداردىڭ جانە اەرودرومداردىڭ قۇرىلىسى» ماماندىقتارىن تاڭداۋدى ۇسىندى.

 

شىمكەنت

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار