ءۇمىت • 19 اقپان، 2020

الماتىدا 13 مىڭ ورىندى 8 مەكتەپ سالىنادى

33 رەتكورسەتىلدى

قالا اكىمى باقىتجان ساعىنتاەۆتىڭ مەگاپوليس تۇرعىندارىمەن وتكەن ەسەپتىك كەزدەسۋىندە مەكتەپتەگى ورىن تاپشىلىعى ماسەلەسى كەڭىنەن ايتىلدى. اسىرەسە بۇل پروبلەما الاتاۋ اۋدانىنداعى «راحات» ىقشاماۋدانىنا تيەسىلى. اكىمنىڭ ايتۋىنشا، وقۋ جىلى باستالعانعا دەيىن 2021 جىلى ءمجا اياسىندا 12 900 ورىندى 8 مەكتەپ سالۋ جوسپارلانۋدا. بۇل 8 مەكتەپتىڭ بىرەۋى «راحات» ىقشاماۋدانىندا اشىلادى. 2020 جىلدىڭ وزىندە وقۋ جىلىنىڭ باسىنا قاراي 1800 ورىندى 2 مەكتەپ، قولدانىستاعى مەكتەپتەرگە 2017 ورىندى 5 قوسىمشا قۇرىلىس سالىناتىن بولادى.

جالپى، الماتى – بۇل تۋ مەن كوشى-قون ەسەبىنەن حالىقتىڭ ءوسۋ قارقىنى جوعارى ءىرى مەگاپوليس ەكەنىن اتاپ وتكەن ءجون. ورتا ەسەپپەن العاندا وقۋشىلار سانى جىلىنا 12 مىڭ بالاعا ارتىپ كەلەدى.

2019 جىلى 13 ءبىلىم بەرۋ نىسانى جانە 3174 ورىنعا ارنالعان 162 جەكە مەنشىك مەكتەپ پايدالانۋعا بەرىلگەن. 2020 جىلى 27 ءبىلىم بەرۋ نىسانىنىڭ قۇرىلىسى جالعاسۋدا.

سونداي-اق مەملەكەتتىك ءبىلىم بەرۋ تاپسىرىسىن وڭتايلاندىرۋعا جەكە بيزنەس تە بەلسەندى  اتسالىسۋدا. 2020-2022 جىلى جەكە ينۆەستيتسيالار ەسەبىنەن 2240 ورىندى 4 مەكتەپ، 8000 ورىندى 300 بالاباقشا اشۋ جوسپارلانۋدا.

وسىلايشا، بۇل شارالار ەكى اۋىسىمدا ءبىلىم بەرەتىن مەكتەپتەردەگى تاپشىلىقتى 30 مىڭ ورىنعا دەيىن ازايتۋعا، سونداي-اق 10 مىڭ ورىنعا ارنالعان بالاباقشا كەزەگىن ازايتۋعا مۇمكىندىك بەرمەك.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار