قوعام • 19 اقپان، 2020

قاسكويلەرگە توسقاۋىل قويىلاتىن بولدى

87 رەت كورسەتىلدى

ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنا قاراستى «قىزىلساي» مەملەكەتتىك وڭىرلىك تابيعي پاركى» كوممۋنالدىق مەملەكەتتىك مەكەمەسىنە تەڭىزدە تەز جۇرگىش 2 كاتەر سىيعا تارتۋ ەتىلدى. وسىلايشا كۇننىڭ ىستىعى مەن سۋىعىندا تابيعات قورعاۋشىلاردىڭ قىزمەت ەتۋلەرىنە جاعداي جاسالدى. ال وسىنداي مۇمكىندىك «تەڭىزشەۆرويل» جشس كەلىسسوزدەر جۇرگىزۋدىڭ ناتيجەسىندە مۇمكىن بولىپ وتىر، دەپ حابارلايدى ماڭعىستاۋ وبلىسى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءباسپاسوز قىزمەتى.

كاتەرلەردى تابىستاۋ شاراسىندا كومپانيا وكىلدەرىنە العىسىن جەتكىزگەن ماڭعىستاۋ وبلىسى اكىمىنىڭ ورىنباسارى باقىتجان قاشاقوۆ، بۇگىنگى كۇن - ايتۋلى كۇندەردىڭ ءبىرى ەكەندىگىن تىلگە تيەك ەتتى. ەلىمىزدە دۇنيەجۇزىلىك دەڭگەيدە جۇمىس جاساپ جاتقان ءىرى كومپانيالار كەمدە كەم. سولاردىڭ ءبىرى - الەۋمەتتىك تۇرعىدا ءوڭىردىڭ تۇرمىس جاعدايى مەن تابىس كوزىنە اسا ءمان بەرىپ، ءبىرشاما قىزمەتتەر اتقارىپ جۇرگەن «تەڭىزشەۆرويل» كومپانياسى ەكەندىگى ايتىلدى.

«قىزىلساي» مەكەمەسىنىڭ قىزمەتى – ءتيىستى ەرەكشە قورعالاتىن تابيعي اۋماقتارداعى جانۋارلار دۇنيەسى مەن وسىمدىك تۇرلەرىن قورعاپ، قورشاعان ورتانىڭ ب ۇلىنبەۋى مەن براكونەرلەرگە قارسى جۇمىستار جۇرگىزۋ بولىپ تابىلادى. مەكەمەنىڭ قۇرامىنا 1 وڭىرلىك پارك جانە جەرگىلىكتى ماڭىزداعى 6 قاۋمال بار.

ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى مەن «تەڭىزشەۆرويل» جشس اراسىنداعى جەمىسىن بەرگەن كەلىسسوزدەر العاش رەت 2019 جىلدىڭ 22 تامىزىندا باستاۋ العان بولاتىن. ول كەزدە «قىزىلساي» مەكەمەسىنە 7 ۆاگون-ۇيلەر، 22 فوتوتۇزاقتار مەن 2 درون سىيعا تارتىلعان ەدى.

1

بۇل - دەمەۋشىلىك جاساۋعا كەلىسىم بەرگەن كومپانيا تاراپىنان جۇرتشىلىقپەن بايلانىستىڭ نىعايۋىنا جانە حالىقتىڭ الەۋمەتتىك جاعدايىنىڭ جاقسارۋىنا كوڭىل ءبولىنىپ وتىرعاندىعى دالەلدەنە ءتۇستى.

سوڭعى جاڭالىقتار

تسيفرلى تەڭگە جوباسى تالقىلاندى

ەكونوميكا • بۇگىن، 23:50

اقپاراتتىق حابارلاما

ەگەمەن قازاقستان • بۇگىن، 19:00

پاۆلوداردا جۇمىسشىنى توك سوقتى

ايماقتار • بۇگىن، 11:47

دوللار تاعى دا ارزاندادى

ەكونوميكا • بۇگىن، 11:06

ۇقساس جاڭالىقتار