اكىمنىڭ سوزىنشە, جۇمىس ىستەيتىن جاستارعا ارنالعان باعدارلامالار جۇيەلى تۇردە ىسكە اسىرىلۋدا. ء«بىز جاڭا «الماتى جاستارى 3.0» باعدارلاماسىن ازىرلەدىك. «الماتى جاستارى» جاڭا تۇرعىن ءۇي باعدارلاماسىنىڭ بىرەگەيلىگى تومەن پايىزدىق مولشەرلەمە بولىپ تابىلادى. ياعني, 13 ملن تەڭگەگە دەيىنگى قارىز جىلدىق 5% جەڭىلدىكپەن بەرىلەتىن بولادى», دەدى ب. ساعىنتاەۆ.
باعدارلاما بويىنشا نەسيەنى قايتارۋ مەرزىمى 3 جىلدان 25 جىلعا دەيىن تولەم قابىلەتتىلىگى بويىنشا جەكە ەسەپتەلەدى. باستاپقى جارنا – 10%. بۇل باعدارلاماعا اكىمدىك 10 ملرد تەڭگە, قازاقستاننىڭ تۇرعىن ءۇي قۇرىلىس جيناق بانكى 3 ملرد تەڭگە ءبولدى. قاتىسۋشىلاردىڭ باستاپقى جانە قايتالاما تۇرعىن ءۇي باعدارلاماسىن ساتىپ الۋ مۇمكىندىگى قاراستىرىلعان. قالا اكىمى باعدارلامانىڭ ماقساتى اۋديتورياسى – بيۋدجەتتىك سالانىڭ جاس قىزمەتكەرلەرى (35 جاسقا دەيىن) ەكەنىن اتاپ ءوتتى. ولار مۇعالىمدەر, دارىگەرلەر, جوو وقىتۋشىلارى, مادەنيەت, سپورت سالاسىنىڭ وكىلدەرى, جۋرناليستەر مەن عالىمدار. جالپى, الماتى 8,4 مىڭ كوپپاتەرلى تۇرعىن ءۇي قورى بار ەلدەگى ەڭ ءىرى مەگاپوليس. تۇرعىن ءۇي كەزەگى جىل سايىن ءوسىپ كەلەدى. بۇل جالپى مەگاپوليستىڭ تارتىمدىلىعىنا بايلانىستى. بۇگىنگى تاڭدا تۇرعىن ءۇي كەزەگىندە 25 533 ازامات تۇر. بۇل وتكەن جىلمەن سالىستىرعاندا 4,5 مىڭ ادامعا ارتىق. وتكەن جىلى 3162 مۇقتاج تۇرعىن ۇيمەن قامتاماسىز ەتىلدى. سونىڭ ىشىندە كوپبالالى 520 وتباسى جانە بالالار ءۇيىنىڭ 114 تۇلەگى بار. سونىمەن قاتار 2019 جىلى جۇمىس ىستەيتىن 1050 جاسقا جالعا بەرىلەتىن پاتەرلەردىڭ كىلتتەرى تابىستالدى. جالپى, 2020 جىلى 3 810 وتباسىن تۇرعىن ۇيمەن قامتاماسىز ەتۋ جوسپارلانۋدا. ولاردىڭ ىشىندە مىڭعا جۋىق پاتەر «باقىتتى وتباسى» باعدارلاماسى بويىنشا, 1300-دەن استام پاتەر تۇرعىن ءۇي قۇرىلىس جيناق بانكى ارقىلى جۇزەگە اسىرىلادى.
قالا اكىمدىگىنىڭ نەگىزگى مىندەتتەرىنىڭ ءبىرى – ادامدارعا جايلى تۇرمىس ورتاسىن قۇرۋ. وسىعان بايلانىستى الماتىداعى ەسكى تۇرعىن ءۇي ماسەلەسىنە ەرەكشە كوڭىل بولىنۋدە. بۇگىنگى تاڭدا 81 ەسكى ءۇيدى بۇزۋ جانە 700-گە جۋىق وتباسىن جاڭا ءارى جايلى پاتەرلەرمەن قامتاماسىز ەتۋ تۋرالى كەلىسىمگە قول قويىلعان.
