وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءباسپاسوز قىزمەتىنىڭ بەرگەن مالىمەتتەرىنە سۇيەنسەك, وڭىردەگى مايقاپشاعاي, باقتى كەدەن بەكەتتەرى باقىلاۋعا الىنىپ, كوروناۆيرۋس ينفەكتسياسىنىڭ الدىن الاتىن بارلىق قاجەتتى دەزينفەكتسيالىق قۇرال-جابدىقتارمەن قامتاماسىز ەتىلىپتى. «تەپلوۆيزورلار مەن يزولياتور بولمەسى بار. دەپارتامەنتتىڭ مەديتسينا قىزمەتكەرلەرى مەن ماماندارى قىتاي مەن وزگە ەلدەردەن كەلگەن ادامدارعا مەديتسينالىق باقىلاۋ جۇرگىزىپ وتىرادى. ولاردىڭ بارلىعىنا مونيتورينگ جاسالادى. ەشقانداي ۆيرۋستىق ينفەكتسيا بەلگىلەرى انىقتالعان جوق. وبلىستا 100-گە جۋىق قىتاي ازاماتتارى جۇمىس ىستەيدى. ولاردىڭ بارلىعى ءتيىستى مەكەمەلەردىڭ قاداعالاۋىندا» دەيدى اتالعان دەپارتامەنتتىڭ ءباسپاسوز حاتشىسى باعلان تاۋانوۆا.
كوروناۆيرۋستىڭ الدىن الۋ ماقساتىندا وبلىستا جەدەل شتاب قۇرىلعانى بەلگىلى. شتاب ۇسىنعان مالىمەتتەرگە سۇيەنسەك, وڭىرگە كەلىپ جاتقان ادامداردىڭ بارلىعى مەديتسينالىق ۇيىمداردىڭ باقىلاۋىنا الىنعان. «بۇگىندە وبلىسقا كەلۋشى ادامداردىڭ سانى 8733 ادامدى قۇرايدى. ونىڭ 8660-ى – قازاقستان ازاماتتارى, 73-ءى – شەتەل ازاماتتارى. قازىرگى تاڭدا ايماقتاعى ينفەكتسيالىق توسەكتەر سانى – 500. قوسىمشا 523 ورىن ءازىر. ۆيرۋسقا قارسى پرەپاراتتار قورى جەتكىلىكتى. مەديتسينالىق ۇيىمدارعا 1 ءتيپتى قورعانىش كوستيۋمدەرىنىڭ 13932 داناسى جەتكىزىلگەن. قوسىمشا 7371 داناعا ءوتىنىش بەرىلگەن», دەيدى شتاب وكىلدەرى.
وسكەمەن
