كەشە «نۇر وتان» حدپ ورتالىق اپپاراتى قوعامدىق قابىلداۋ بولمەسىنىڭ مەڭگەرۋشىسى جۇماجان جۇكەنوۆ جۋرناليستەرمەن بريفينگ وتكىزدى.
كەشە «نۇر وتان» حدپ ورتالىق اپپاراتى قوعامدىق قابىلداۋ بولمەسىنىڭ مەڭگەرۋشىسى جۇماجان جۇكەنوۆ جۋرناليستەرمەن بريفينگ وتكىزدى.
– بۇگىنگى كۇنى «نۇر وتان» پارتياسىنىڭ قوعامدىق قابىلداۋ بولمەلەرى قوعامىمىزدىڭ اينىماس اتريبۋتتارىنىڭ بىرىنە اينالدى. ول ازاماتتاردىڭ كوكەيكەستى ماسەلەلەرىنىڭ شەشىلۋىنە اتسالىسادى, – دەدى ول.
قازاقستان ازاماتتارى كوپتەگەن ماسەلەلەر بويىنشا پارتيانىڭ قوعامدىق قابىلداۋ بولمەلەرىن سوڭعى ينستانتسياعا بالاپ باراتىنى انىق. ويتكەنى, حالىق تەك قوعامدىق قابىلداۋلاردا عانا وزدەرىنە قاجەتتى كومەكتى الىپ, قولداۋ كورەتىندەرىنە سەنىمدى. سوندىقتان دا پارتيانىڭ قوعامدىق قابىلداۋ بولمەلەرىندە ايماقتاردىڭ ءبىرىنشى باسشىلارى عانا ەمەس, مەملەكەتتىك ورگانداردىڭ باسشىلارى دا قابىلداۋلار جۇرگىزەدى.
بريفينگتە بىرنەشە مينيسترلىكتەر مەن ۆەدومستۆولار باسشىلارىنىڭ قابىلداۋ جۇرگىزۋ جايى تۋرالى اقپارات بەرىلدى. سونىڭ ىشىندە ەڭبەك جانە حالىقتى الەۋمەتتىك قورعاۋ ءمينيسترى ت.دۇيسەنوۆانىڭ قابىلداۋ جۇرگىزگەنىنە توقتالدى. وعان استانا قالاسى عانا ەمەس, الماتى, اقمولا, جامبىل, قاراعاندى وبلىستارىنان دا تۇرعىندار كەلگەن. سوندىقتان استاناعا سابىلماس بۇرىن ادامدار جەرگىلىكتى اتقارۋشى ورگاندارعا ءوتىنىش-تىلەكتەرىن ايتۋلارى قاجەت. ماسەلەن, مۇگەدەكتەردىڭ ارباسىنا قول جەتكىزۋ جەرگىلىكتى جەرلەردە-اق شەشىلەتىن كورىنەدى. دەگەنمەن, ەڭبەك جانە حالىقتى الەۋمەتتىك قورعاۋ مينيسترىنە ايتىلعان وتىنىشتەر قارالۋ جانە ورىندالۋى ءۇشىن باقىلاۋعا الىنىپتى.
جۇماجان جۇكەنوۆ, سونداي-اق, شىلدە ايىندا بولعان قابىلداۋلارعا دا توقتالدى. وتكەن ايدا باس پروكۋراتۋرا, ادىلەت, قارجى, دەنساۋلىق ساقتاۋ, توتەنشە جاعدايلار مينيسترلىكتەرىنىڭ جانە ۇلتتىق عارىش اگەنتتىگى مەن تابيعي مونوپوليالاردى رەتتەۋ اگەنتتىگىنىڭ باسشىلارى 44 ادامدى قابىلداپتى. ولارعا ەلىمىزدىڭ ون ايماعىنان تۇرعىندار كەلگەن ەكەن. ج.جۇكەنوۆ شەشىلگەن ماسەلەلەرگە قاتىستى مىسال رەتىندە قاراعاندى وبلىسى, جاڭاارقا اۋدانىنىڭ تۇرعىنى م.تۇتقىشەۆانىڭ بالاسىنا استاناداعى «انا مەن بالا» ساۋىقتىرۋ ورتالىعىنا ەمدەلۋ بويىنشا كۆوتا بەرىلگەنىن كەلتىردى.
جاسالعان ساراپتارعا قاراعاندا, قوعامدىق قابىلداۋ بولمەلەرىنىڭ جۇمىسى حالىققا وتە پايدالى جانە ءتيىمدى ەكەندىگى كورىنىپ تۇر. كوپتەگەن جىلدار بويى قوردالانعان پروبلەمالارىن شەشە الماعان تالاي ادامدار وسىندا كەلىپ, وزدەرىنىڭ ماسەلەسىن شەشۋگە قول جەتكىزەدى. سوندىقتان قوعامدىق قابىلداۋ بولمەلەرى ازاماتتاردىڭ ءارتۇرلى ماسەلەلەرىن شەشۋ مەن ناقتى كومەك كورسەتۋدىڭ ماڭىزدى تەتىگى بولىپ تابىلادى.
جالپى, ۇستىمىزدەگى جىلدىڭ قاڭتار-شىلدە ايلارىندا پارتيانىڭ قوعامدىق قابىلداۋ بولمەلەرىنە 2 مىڭنان استام ادام كەلىپ, وزدەرىنىڭ ارىز-شاعىمدارىن ايتقان. سونىڭ 17 پايىزى لاۋازىمدى تۇلعالاردىڭ زاڭسىز ءىس-ارەكەتى, 13 پايىزى سوت شەشىمدەرىمەن كەلىسپەۋ, 10 پايىزى باسپانامەن قامتاماسىز ەتۋگە بايلانىستى ماسەلەلەر ەكەن. قوعامدىق قابىلداۋلاردى لاۋازىمدى تۇلعالار عانا ەمەس, بارلىق دەڭگەيدەگى دەپۋتاتتار دا جۇرگىزەدى. مىسالى, وسى جىلدىڭ العاشقى جارتىسىندا حالىق قالاۋلىلارى 336 رەت قابىلداۋ جۇرگىزىپ, 1060 ادامدى قابىلداپتى. سونداي-اق, پارتيا فيليالدارىنىڭ قوعامدىق بولمەلەرىنىڭ قىزمەتكەرلەرى جەرگىلىكتى اتقارۋشى ورگاندار وكىلدەرىمەن بىرلەسىپ, ازاماتتاردىڭ ماسەلەلەرىن شەشۋ ماقساتىندا الىس ەلدى مەكەندەرگە شىعىپ, 129 كوشپەلى قابىلداۋ وتكىزگەن. وعان بارلىعى 1911 ادام قاتىسقان. ال كوشپەلى قابىلداۋ كەزىندە 408 ءوتىنىش قارالىپ, ونىڭ 295-ءى وڭ شەشىمىن تاپقان.
بريفينگتە 14 تامىزدا – وڭىرلىك دامۋ مينيسترلىگى, 21 تامىزدا – اۋىل شارۋاشىلىعى ءمينيسترى ا.مامىتبەكوۆ, 28 تامىزدا – ءبىلىم جانە عىلىم مينيسترلىگى قوعامدىق قابىلداۋ وتكىزەتىندىگى ايتىلدى.
جاقسىباي سامرات,
«ەگەمەن قازاقستان».
